Túrkistan qalasynyń mádeni-rýhani ortalyǵynda jańa týristik nysan – «Qolónershiler qalashyǵy» boi kóterýde. Oblys ákimi Nuralhan Kósherov jaýapty basqarma basshylary men qolóner salasynyń ókilderimen kezdesip, atalǵan ortalyqty damytý, jumysyn úilestirý boiynsha keńes ótkizdi, dep habarlaidy Dalanews.kz
Óńir basshysy «Qolónershiler qalashyǵy» zaman talabyna sai bolyp, mádenietti, qolónerdi jáne týrizmdi damytýǵa serpin berýi tiis ekenin jetkizdi.
– Biyl jańa zań qabyldanyp, Túrkistanǵa erekshe mártebe berildi. Ol zańda qolóner salasyn damytý mindeti de júktelgen. Bul rette tarihi shahardyń áleýeti joǵary ekenin bilemiz. «Qolónershiler qalashyǵyn» damytyp, jumysyn júieli túrde úilestirý kerek. Bul joba týrizmdi, qolónerdi damytyp qana qoimai, ózin-ózi qamtityn, kiristi ulǵaitatyn deńgeige kóterilýi qajet. Jan-jaqty oilastyryp, jumysty sapaly atqaryńyzdar, – dedi Nuralhan Kósherov.
Jiynda Túrkistan oblysy ákiminiń birinshi orynbasary Zulpyhar Joldasovtyń, Týrizm basqarmasynyń basshysy Nurdáýlet Medeýovtiń «Qoloónershiler qalashyǵyna» qatysty usynystary men josparlary tyńdaldy.
Tiisti ortalyqta qolónershiler sheberhanasyn iske qosý boiynsha jergilikti qolónershilermen arnaiy jinalys ótkizilgen. Qolóner sheberhanasyna qajetti qural-jabdyqtardyń shyǵyndary anyqtaldy. Qajetti qarajat kólemi joba boiynsha 120,0 mln. teńge dep esepteldi. Qazirden bastap, belsendi sheberlerdi yntymaqtastyqqa shaqyrý, olarmen jeke kezdesýler ótkizý jáne tiisti sharttar jasasý arqyly qolónershiler pýlyn qurý jumystary bastalyp ketti. Ortalyq qajetti qural-jabdyqtarmen qamtamasyz etilip, sheberlermen tiisti kelisimder jasalady.
Aita keteiik, bul joba 2023 jyly «Sun Holiday» JShS bastamasymen qolǵa alynǵan. Qolónershileri ortalyǵynyń jalpy aýmaǵy 2,3 gektardy, al nysan qurylysy 1,5 gektar aýmaqty qamtidy.
«Qolónershiler qalashyǵy» – dástúr men týrizm toǵysqan biregei joba. Týristik keshen 8 negizgi bólikten turady. 20 sheberhana, 2 shoýrým, kórme zaly, meiramhana, qonaqúi jáne ózge de qajetti bólmelermen, oryndarmen qamtylady. Óńirdiń jáne tutynýshynyń suranystaryna qarai arnaiy brendtik katalog tizbegi daiyndalady. Sol katalog negizinde naryqqa kádeisylar satylymǵa shyǵarylady.
«Qolónershiler qalashyǵy» qazaqtyń mádenieti, qolónerin dáripteitin jáne týristik ortalyqqa ainalady dep kútilip otyr. Osy baǵytta jumystar jalǵasady.
