Qazaqstandaǵy qoǵamdyq keńester azamattyq qoǵam men memlekettik basqarý organdary arasyndaǵy bailanysty nyǵaitýǵa baǵyttalǵan konsýltativtik-keńesshi qurylymdar bolyp tabylady. Keńester el azamattarynyń pikirlerin eskerip, kúndelikti ómirdegi ózekti máselelerdi sheshýge barynsha yqpal etip keledi. Sondyqtan mundai keńesterdiń elimiz úshin mańyzy zor.
Qoǵamdyq keńesterdiń basty maqsaty – memlekettik organdardyń sheshimderine qoǵamdyq baqylaýdy kúsheitip, azamattyq qoǵamnyń qatysýyn qamtamasyz etý bolyp tabylady. Olar memlekettik basqarý protsesine qoǵamnyń keńinen qatysýyna yqpal etip, memlekettik organdardyń qyzmetiniń ashyqtyǵyn arttyrýdy qamtamasyz etip keledi.
Qazirgi tańda elimizde qurylǵan Qoǵamdyq keńester memlekettik organdardyń sheshimderi men baǵdarlamalaryna qatysty qoǵamdyq pikirlerdi jinaý jáne taldaý jáne qoǵamdyq mańyzy bar máseleler boiynsha usynystar ázirlep el damýyna óz úlesterin qosýda.
Búginde Qoǵamdyq keńester belgili bir memlekettik organnyń janynda qurylyp, sol organnyń jumysyna baǵyttalǵan qyzmetterdi atqaryp keledi. Keńester ártúrli sala ókilderi – qoǵam qairatkerleri, ǵalymdar, biznesmender, úkimettik emes uiymdar men BAQ ókilderinen quralatynyn aita ketýimiz kerek. Osy rette keńes músheleri erikti túrde qyzmet etip, olardy qoǵamdastyqtar men azamattar usynady.
Búginde Almaty qalasy Qoǵamdyq keńesi qalanyń gúldenýine bar kúsh-qýatyn jumysap keledi. Almaty qalasynyń Qoǵamdyq keńesi qaladaǵy ózekti máselelerdi sheshýge jáne qala turǵyndarynyń pikirin memlekettik organdarǵa jetkizip, ózekte máselelerdi der kezinde kóterip keledi. Osy rette atalǵan keńes qala turǵyndarymen men jergilikti basqarý organdary arasyndaǵy dialogty nyǵaityp, kóptegen máselelerdi qoǵamdyq talqylaý arqyly sheship kele jatqanyn kórip otyrmyz.
Qaladaǵy áleýmettik, ekonomikalyq jáne mádeni damý baǵdarlamalarynyń iske asyrylýyna taldaý jasap, olardyń tiimdiligin baǵalaýda Qoǵamdyq keńestiń atqaryp jatqan jumysy erekeshe. Almaty qalasynyń Qoǵamdyq keńesin Baqytjan Sálimgereiuly keńestiń qyzmeti týraly bylai degen bolatyn:
– Almaty qalasynyń Qoǵamdyq keńesi – qala turǵyndarynyń únine joǵaryǵa jetkizetin biregei alań. Biz qoǵamdaǵy árbir azamattyń pikirin eskerýge, olardyń usynystaryn qabyldaýǵa jáne qala damýyna baǵyttalǵan árbir sheshimdi birge talqylaýǵa múddelimiz. Bizdiń maqsatymyz – Almatyny jaily ári qaýipsiz qalaǵa ainaldyrý. Sonymen qatar qaladaǵy ózekti máselelerdi sheshýge qoǵamnyń barynsha qatysýyn qamtamasyz etip kelemiz. Azamattar bizge senim artsa, biz olardyń muń-muqtajyn, usynystaryn memlekettik organdarǵa jetkizip, qala damýynyń negizgi baǵyttaryn birge aiqyndaýǵa tyrysamyz, – deidi Baqytjan Sálimgereiuly.
Taiaýda Almaty qalasynyń Qoǵamdyq keńesinde Almaty qalasy Politsiia departamentiniń aǵymdaǵy jyldyń 9 aiyndaǵy qyzmeti týraly esep tyńdalyp, basqosýda qala qaýipsizdik pen quqyq qorǵaý organdarynyń qyzmetine qatysty ózekti máseleler talqylanǵan bolatyn.
Alqaly basqosýda Almaty qalasy Politsiia departamentiniń bastyǵy, general-maior Arystanǵani Zapparov ózine qarasty departament pen onyń bólimsheleriniń qyzmeti týraly keńes múshelerine esep berdi.
– Qazirgi tańda Almaty qalasynda qylmys deńgeii 9,6%-ǵa tómendedi, onyń ishinde aýyr qylmystar 3%-ǵa, zorlaý 12,5%-ǵa, múlik urlyǵy 31,6%-ǵa, internet alaiaqtyq 14,5%-ǵa, tonaý 28,7%-ǵa jáne bopsalaý 8,3%-ǵa azaiǵan. Alaiaqtyqtan zardap shekken azamattardyń jalpy shyǵyny 12 milliard teńgeni qurady. Internet alaiaqtyqtan kelgen shyǵyndy politsiianyń kúshimen 14,5%-ǵa deiin azaittyq. Bul baǵytta televiziialyq, jarnamalyq jáne jelilik aqparattandyrý jumystary júrgizip, metroda alaiaqtyqqa qarsy beine eskertpeler ornalastyrdyq, – dedi.
Almaty qalasy Politsiia departamentiniń basshysynyń esebin tyńdaǵan Qoǵamdyq keńes músheleri qalada kriminogendik jaǵdai turaqty ekenin kózderin jetkizdi. Osylaisha Almaty qalasy Qoǵamdyq keńes músheleri qala tirshiligine qatysty kóptegen máselelerge qatysyp, ózekti máselelerdi birlesip talqylaýda. Qoǵam bolyp keńesken dúnie óz kelte bolmaityny belgili. Sondyqtan elimizdegi Qoǵamdyq keńesterdiń jumysyn oń baǵalaýymyz kerek.
