Qazaqstan Respýblikasy
Prezidentiniń keńesshisi
Baýyrjan Omarovtyń nazaryna!
Buǵan deiin Boreikoǵa suhbat bergen eks-premer «aktivterdi qaitarý týraly zańǵa Qulybaevtyń adamdary aralasty» degen boljam aitqan. Ákejan Maǵjanulynyń paiymdaýynsha, «Timýrdyń komandasy» atalǵan zań jobasyn suiyltyp jiberýge múddeli.
«DALA INSIDE» osy tarapta táýelsiz zertteý júrgizýge tyrysypty.
«Shettegi aktivterdi qaitarý týraly» zańnyń «chernovigin» qolmen ustap, kózben kórgenderdiń biri - Rýstam Júrsinov.
Atalmysh zań Májilis talqylaýyna túspei tura Júrsinovtyń qolynan ótken.
Sosyn, Zańsyz kapitaldy elge qaitarý maqsatynda qurylǵan komissiia quramynda Bas prokýrordyń orynbasary - Ulan Baijanov bar. Qurylymnyń eleýsiz múshesi emes, osy komissiia tóraǵasy Toqaevtyń bildei bir «zam-y».
Biz sóz ótken Júrsinov pen Baijanov ta «kúieýbalanyń» syralǵy serikteri. Qulybaev "QazMunaiGazdyń" orynbasary qyzmetin atqarǵan 2000-shy jyldary atalǵan jup kareralyq baspaldaqpen qaryshtap kóterildi.
Men bul aqparatty «DALA INSIDE» telegram kanalynan alyp otyrmyn.
Orazali Erjanov aǵamyzdyń atalǵan zań týraly alańdaityn jóni bar eken.
...
Al, osy aqparatty oqyǵan soń, meniń oiyma Májiliste talqylanyp jatqan «Qazaqstan Respýblikasyndaǵy jergilikti ózin-ózi basqarý týraly» zańynyń jobasy tústi.
Atalǵan zań aiasynda aýdandyq mańyzy bar qala, aýyl, kent, aýyldyq okrýg ákimine taǵy úsh quzyret berýdi usynyp, Prezident Ákimshiliginiń basshysy Oljas Bektenovke úsh hat jazdym.
Sol Oljas Bektenovtyń atyna jazǵan hattarym iesine jetpei, Úkimetke, úsh ministrlikke qaita-qaita laqtyrylýda.
Bir qýanyshtysy, sol hattarymnyń bireýine Aýyl sharýashylyǵy vitse-ministri Erbol Tasjúrekovten «Qoldanystaǵy sýbsidiialaý júiesin reformalaýdyń birneshe nusqalar daiyndaldy, olar jumys tobynyń otyrystarynda birneshe ret talqylandy. Túbegeili reformalaýdyń barlyq usynylǵan nusqalaryn agrobiznes ókilderi qoldamady, fermerler qaýymdastyǵy qoldanystaǵy sýbsidiialaý júiesin saqtaýdy talap etti» -degen jaýap aldym.
Vitse-ministr Erbol Tasjúrekovtyń maǵan jazǵan jaýabynda aitýynsha, sýbsidiialaý júiesin reformalaý týraly, beker obaly káne, Qasym-Jomart Toqaevtyń ózi tapsyrma beripti.
Ol az deseńiz, «2019-2021 jyldary ónim óńdeýge berilgen sýbsidiiany alaiyq. Bul qarajattyń teń jartysy sýbsidiia alam deýshilerdiń 10 paiyzynyń ǵana qolyna tigen; Sýbsidiia alǵan keibir pysyqailar óndiristi órkendetýdiń ornyna biýdjet qarjysyn qaltasyna basyp, shalqyp ómir súrgen. Al qarapaiym sharýalar úshin sýbsidiia alý – qiiamettiń qiyny...» - dep, Prezidentimiz Qasym-Jomart Toqaevtyń 2023 jylǵy 19 sáýir kúni elimizdiń áleýmettik-ekonomikalyq damý máseleleri jónindegi keńeitilgen keńeste tilip turyp aitqan joq pa?!!
Sol Prezident tapsyrmasyna sai, Aýyl sharýashylyǵy ministrligi agroónerkásiptik keshendi memlekettik qoldaýdy jetildirý jónindegi jumys toby quryp, oǵan salalyq qaýymdastyqtar men odaqtardyń, agrobiznestiń, ǵylymnyń, múddeli memlekettik jáne jergilikti atqarýshy organdardyń, Qazaqstan Respýblikasy Parlamenti Senaty men Májilisiniń depýtattarynyń ókilderin kirgizipti. Sóitip, jumys tobynyń 9 otyrysy ótkizip, onda sýbsidiialaý júiesin jetildirý tásilderi talqylapty.
Kórdińiz be, agrobiznes ókilderi men fermerler qaýymdastyǵy prezident Toqaevtyń tapsyrmasyn oryndatpai, sýbsidiialaý júiesin baiaǵy qalpynda qaldyrǵysy kelip otyr.
Agrobiznes ókilderi men fermerler qaýymdastyǵynyń artynda kim tur?!
Árine, ataqty «162 aýqatty adam» tur.
Qysqasy, qoldanystaǵy sýbsidiialaý júiesi de Timýr Qulybaev pen Kárim Másimov basynda turyp jasaǵan «jemqorlyq afera»!
Al, oǵan qarsy turyp, batyl reforma jasaýǵa Úkimet te, Prezident Ákimshiligi de «dármensiz».
Sebebi, onda da Qulybaevtyń kisileri otyr. Kórip otyrsyzdar, olar jazǵan hattarymyz ben usynystarymyzdy Prezidentti qoiyp, Prezident Ákimshiliginiń basshysy Oljas Bektenovtiń ózine jetkizbei, jan-jaqqa laqtyrýda.
Aýyt MUQIBEK,
«Qurmet» ordeniniń iegeri
07.06.2023
