Qazaqstan musylmandary dini basqarmasy pravoslav merekesine tán «kreshenie» sýyna túsý islam qaǵidalaryna sai kelmeitinin málimdedi, dep habarlaidy Dalanews.kz.
Dini basqarmanyń túsindirýinshe, mundai rásim basqa dinniń ǵibadatyna jatady jáne musylman úshin ony qaitalaý durys emes. QMDB bul ustanymdy Paiǵambar hadisimen negizdeidi.
«Kim bir qaýymǵa uqsasa, solardan bolady», – degen hadis bar.
(Ábý Dáýd, «Libas»)
Múftiiattyń aitýynsha, bul hadis musylmannyń ózge dinderdiń ǵibadattyq rásimderin qaitalaýyna tyiym salatynyn bildiredi. «Kreshenie» sýyna túsý – dini maǵynasy bar hristiandyq ǵuryp. Sondyqtan musylman adam mundai amalǵa barmaýy tiis.
QMDB ókilderi islamda adamnyń densaýlyǵyn saqtaý mańyzdy ekenin de eske saldy. Qatty sýyqta muzdai sýǵa túsý densaýlyqqa qaýip tóndirýi múmkin, al islamda adam ózin ádeii qaterge tigýge bolmaidy.
Dini basqarma musylmandardy óz senimine adal bolýǵa, dini shekarany saqtaýǵa jáne ózge dinderdiń ǵuryptaryna eliktemeýge shaqyrdy.
