Qarjylyq monitoring agenttigi BJZQ qarajatyn zańsyz shyǵarý isine qatysy bar úsh kúdiktige izdeý jariialady, dep habarlaidy Dalanews.kz.
BJZQ qarajatyn stomatologiialyq qyzmet kórsetý kórinisimen zańsyz shyǵarý shemasyn uiymdastyrdy dep kúdikteletin úsh azamatty izdestirý jariialady. Bul týraly agenttiktiń baspasóz qyzmeti málimdedi.
"Qarjylyq monitoring agenttigi kelesi jalǵan stomatologiialyq klinikalardyń ielerin izdeýde:
- Dúisenov Aslan Qambaruly, 01.04.1992 j.t.,
- Imambaev Ǵabbas, 18.05.1998 j.t.,
- Eleshev Esimhan Baiandievich, 11.09.1987 j.t.,
olar BjZQ qarajatyn stomatologiialyq qyzmet kórsetý kórinisimen zańsyz shyǵarý shemasyn uiymdastyrdy dep kúdiktelýde. Atalǵan is boiynsha shyǵyn somasy 46 mlrd teńgeden asady", — dep habarlady agenttik.
Tergeý nusqasy boiynsha, kúdiktiler Aqtaý jáne Atyraýda jeti stomatologiialyq klinikany tirkep, biraq olarda naqty meditsinalyq qyzmet kórsetilmegen.
Izdestirilip jatqan tulǵalarǵa qatysty sot sheshimi boiynsha qamaý túrindegi bultartpaý sharasy qoldanylǵan.
QMA málimetine súiensek, kúdiktilerdiń biri Dúisenov A.Q. buryn politsiiada qyzmet etken, biraq teris sebeptermen qyzmetinen shyǵarylǵan. 2016 jyly ol QR QK 105-baby (óz-ózine qol jumsaýǵa jetkizý) jáne 362-baby (qyzmettik ókilettigin asyra paidalaný) boiynsha aýyr qylmystar jasaǵany úshin bes jylǵa bas bostandyǵynan aiyrylǵan.
"Eger sizge izdestirilip jatqan tulǵalardyń meken-jaiy týraly aqparat belgili bolsa, ony +7 7172 70 84 78 telefony arqyly Qarjylyq monitoring agenttigine habarlaýyńyzdy suraimyz. Aqparat berýshilerge syiaqy jáne anonimdilik kepildendirilgen", — delingen habarlamada.
