Mıllıon jazylýshysy bar blogerler Erbolat Janabylov pen Elmıra Tólegenova avtokólik utystaryna baılanysty qylmystyq jazaǵa tartylmaıdy, dep habarlaıdy Dalanews.kz.

Bul týraly Qarjy monıtorıńi agenttigi tóraǵasynyń orynbasary Jeńis Elemesov málimdedi.

Onyń aıtýynsha, blogerlerge tek onlaın-kazıno jarnamalaǵany úshin ákimshilik jaýapkershilik qarastyrylǵan. Qylmystyq is tek olardyń qumar oıyndaryn uıymdastyrýǵa, paıdany bólýge nemese ózge de jolmen qylmystyq shemaǵa qatysy dáleldengen jaǵdaıda ǵana qozǵalady.

«Eger blogerler onlaın-kazınony uıymdastyrýǵa, paıdany bólýge nemese qandaı da bir jolmen qylmysqa kómektesken bolsa, onda olar sybaılas retinde jaýapqa tartylady. Al áńgime tek jarnama jaıynda bolsa, ol úshin ákimshilik jaýapkershilik kózdelgen», – dep túsindirdi Elemesov.