Áleýmettik jeli men buqaralyq aqparat quraldaryn shýlatqan tok-shoý júrgizýshisiniń biri tanymal depýtat Maqsat Tolyqbaidyń inisi ári ol da depýtat ekeni týraly aqparat tarap ketken edi. Májiliste Maqsat Tolyqbai bul jaitty qalai qabyldaǵanyn aityp, pikir bildirdi, - dep habarlaidy Dalanews.kz.
"Ártúrli pikir aityla beredi. Birinshiden, ol birdeńeni búldirip qoiatyndai mekteptegi oqýshy emes, ol - úsh balanyń ákesi. Ol óziniń tirligine, is-áreketine ózi jaýap beredi. Jýrnalist retinde pikirimdi bildirgińiz kelse, árine, men qarsymyn. Taqyryp tańdaýdan bastap, bári durys bolǵan joq. Júrgizýshi daiyn stsenariidi oqi saldy dep aitýǵa da bolmaidy, tájiribe az shyǵar. Bul jerde redaktorlardyń kinási bar. Sondyqtan ministrliktiń bul baǵdarlamany japqan ustanymyn qoldaimyn. Óitkeni ár komitet saiyn qyzyl keńirdek bolyp jatyrmyz. "Qalaýlym",QosLike siiaqty baǵdarlamalardy múldem jabý kerek. Osy úshin kúresip kele jatyrmyz. Zań normasyna ózgeris engize alsaq, biz úshin jeńis bolady.
Al endi ekinshi suraq. Ol - Máslihat depýtaty. Ol partiianyń atynan túsken joq. Jergilikti turǵyndar ózi usyndy. Baǵdarlamaǵa kim shaqyrǵanyn bilmeimin. Men qazir bireýdi qyzmetke qoia alatyndai, týǵan týystarymdy jumysqa qoia alatyndai burynǵy Nazarbaev siiaqty emespin, ondai quzyretim joq. Bar bolsa da qoldanbas edim. Sondyqtan árkim óz tirligi úshin ózi jaýap beredi. Ózim jeke sóilesip aittym. Ózderiniń qatesi, ózderi jaýap berýi kerek", - dedi Maqsat Tolyqbai.
Oqiǵaǵa bes kún ótkennen keiin "Qorǵaý Astana" daǵdarys ortalyǵy áleýmettik jelide video jariialaǵan edi. Ortalyq jetekshisi Anna Ryl "Biraq..." tok-shoýyna qatysqan Gúlmira myqty áiel ekenin, kúnde jumysyna baryp júrgenin jetkizdi. Onyń sózinshe, qazir áiel balalarymen birge ortalyqta.
"Bes kún ótti, kóp adam jazyp jatyr, bireýi qoldap jatyr, bireýi akter dep jatyr, kóp adam Gúlmira qalai jáne qaida ekenin suraidy. Sondyqtan kishigirim video túsirýdi uiǵardyq.
Aita ketý kerek, alǵashqy eki kúnde bárimiz emotsionaldy túrde synyp qaldyq, odan keiingi eki kúnde kóp jumys isteldi. Gúlmira psihologpen osy jaǵdaiǵa qatysty jumys istedi, sonymen qatar, jumysyna da baryp júrdi. Ol óte jaýapty, qandai jaǵdai bolsa da soldat siiaqty jumysqa barady. Osy bes kún ishinde bizge 4 áiel men 6 bala keldi, olar da kómek alady, olarmen de mamandar jumys isteidi", - dedi ol.
Sondai-aq, qor jetekshisi men Gúlmira ózderin qoldaǵan jandarǵa alǵysyn jetkizdi.
"Barlyǵy jaqsy. Kúizeliske tústim. Endi jaqsy bolyp kele jatyrmyn. Meni qoldap jatqan adamdarǵa raqmet. ...Qatty kúizeldim", - deidi videoda Gúlmira.
Aita keteiik, jelide tarap ketken kadrlarda "Biraq..." baǵdarlamasynyń júrgizýshisi efirge kelgen qonaqtan "kúieýińiz urýǵa sebep bola ma?" dep suraidy. Júrgizýshi tarapynan qoiylǵan bul suraq ta qoǵamda synǵa ushyrady. Odan bólek áieldiń kúieýi onyń ruqsatynsyz, kelisiminsiz efirge shaqyrylǵany aityldy.
Sonymen qatar, buǵan deiin "Habar Agenttigi" AQ basqarma tóraǵasy Kemelbek Qoishybaev osy jaǵdaiǵa qatysty halyq pen efir qonaǵynan keshirim surady.
"Dál búgin qatysqan keiipkerlerden de, kórermennen de suraǵan keshirimimizdi qabyl alyńyzdar. Óz aldyna qonaǵymyz bolyp kelgen Gúlmira Smailova men "Qorǵaý-Astana" krizistik ortalyǵynyń ujymynan jeke keshirim suraimyz", - dedi ol.
Artynsha "Habar" telearnasynda efirge shyqqanyna eki kún bolǵan tok-shoý qoǵamdyq rezonanstan soń jabylatyn boldy.
Máselege mádeniet jáne aqparat ministri Aida Balaevanyń ózi de aralasty.
"Telearna redaktsiiasyna bul úlken sabaq bolady dep sanaimyz. Atalǵan tok-shoý jabylady", - dedi ministr.
