ەلەۋمەتتٸك جەلٸ مەن بۇقارالىق اقپارات قۇرالدارىن شۋلاتقان توك-شوۋ جٷرگٸزۋشٸسٸنٸڭ بٸرٸ تانىمال دەپۋتات ماقسات تولىقبايدىڭ ٸنٸسٸ ەرٸ ول دا دەپۋتات ەكەنٸ تۋرالى اقپارات تاراپ كەتكەن ەدٸ. مەجٸلٸستە ماقسات تولىقباي بۇل جايتتى قالاي قابىلداعانىن ايتىپ, پٸكٸر بٸلدٸردٸ, - دەپ حابارلايدى Dalanews.kz.
"ەرتٷرلٸ پٸكٸر ايتىلا بەرەدٸ. بٸرٸنشٸدەن, ول بٸردەڭەنٸ بٷلدٸرٸپ قوياتىنداي مەكتەپتەگٸ وقۋشى ەمەس, ول - ٷش بالانىڭ ەكەسٸ. ول ٶزٸنٸڭ تٸرلٸگٸنە, ٸس-ەرەكەتٸنە ٶزٸ جاۋاپ بەرەدٸ. جۋرناليست رەتٸندە پٸكٸرٸمدٸ بٸلدٸرگٸڭٸز كەلسە, ەرينە, مەن قارسىمىن. تاقىرىپ تاڭداۋدان باستاپ, بەرٸ دۇرىس بولعان جوق. جٷرگٸزۋشٸ دايىن ستسەنارييدٸ وقي سالدى دەپ ايتۋعا دا بولمايدى, تەجٸريبە از شىعار. بۇل جەردە رەداكتورلاردىڭ كٸنەسٸ بار. سوندىقتان مينيسترلٸكتٸڭ بۇل باعدارلامانى جاپقان ۇستانىمىن قولدايمىن. ٶيتكەنٸ ەر كوميتەت سايىن قىزىل كەڭٸردەك بولىپ جاتىرمىز. "قالاۋلىم",QosLike سيياقتى باعدارلامالاردى مٷلدەم جابۋ كەرەك. وسى ٷشٸن كٷرەسٸپ كەلە جاتىرمىز. زاڭ نورماسىنا ٶزگەرٸس ەنگٸزە الساق, بٸز ٷشٸن جەڭٸس بولادى.
ال ەندٸ ەكٸنشٸ سۇراق. ول - مەسليحات دەپۋتاتى. ول پارتييانىڭ اتىنان تٷسكەن جوق. جەرگٸلٸكتٸ تۇرعىندار ٶزٸ ۇسىندى. باعدارلاماعا كٸم شاقىرعانىن بٸلمەيمٸن. مەن قازٸر بٸرەۋدٸ قىزمەتكە قويا الاتىنداي, تۋعان تۋىستارىمدى جۇمىسقا قويا الاتىنداي بۇرىنعى نازارباەۆ سيياقتى ەمەسپٸن, ونداي قۇزىرەتٸم جوق. بار بولسا دا قولدانباس ەدٸم. سوندىقتان ەركٸم ٶز تٸرلٸگٸ ٷشٸن ٶزٸ جاۋاپ بەرەدٸ. ٶزٸم جەكە سٶيلەسٸپ ايتتىم. ٶزدەرٸنٸڭ قاتەسٸ, ٶزدەرٸ جاۋاپ بەرۋٸ كەرەك", - دەدٸ ماقسات تولىقباي.
وقيعاعا بەس كٷن ٶتكەننەن كەيٸن "قورعاۋ استانا" داعدارىس ورتالىعى ەلەۋمەتتٸك جەلٸدە ۆيدەو جارييالاعان ەدٸ. ورتالىق جەتەكشٸسٸ اننا رىل "بٸراق..." توك-شوۋىنا قاتىسقان گٷلميرا مىقتى ەيەل ەكەنٸن, كٷندە جۇمىسىنا بارىپ جٷرگەنٸن جەتكٸزدٸ. ونىڭ سٶزٸنشە, قازٸر ەيەل بالالارىمەن بٸرگە ورتالىقتا.
"بەس كٷن ٶتتٸ, كٶپ ادام جازىپ جاتىر, بٸرەۋٸ قولداپ جاتىر, بٸرەۋٸ اكتەر دەپ جاتىر, كٶپ ادام گٷلميرا قالاي جەنە قايدا ەكەنٸن سۇرايدى. سوندىقتان كٸشٸگٸرٸم ۆيدەو تٷسٸرۋدٸ ۇيعاردىق.
ايتا كەتۋ كەرەك, العاشقى ەكٸ كٷندە بەرٸمٸز ەموتسيونالدى تٷردە سىنىپ قالدىق, ودان كەيٸنگٸ ەكٸ كٷندە كٶپ جۇمىس ٸستەلدٸ. گٷلميرا پسيحولوگپەن وسى جاعدايعا قاتىستى جۇمىس ٸستەدٸ, سونىمەن قاتار, جۇمىسىنا دا بارىپ جٷردٸ. ول ٶتە جاۋاپتى, قانداي جاعداي بولسا دا سولدات سيياقتى جۇمىسقا بارادى. وسى بەس كٷن ٸشٸندە بٸزگە 4 ەيەل مەن 6 بالا كەلدٸ, ولار دا كٶمەك الادى, ولارمەن دە ماماندار جۇمىس ٸستەيدٸ", - دەدٸ ول.
سونداي-اق, قور جەتەكشٸسٸ مەن گٷلميرا ٶزدەرٸن قولداعان جاندارعا العىسىن جەتكٸزدٸ.
"بارلىعى جاقسى. كٷيزەلٸسكە تٷستٸم. ەندٸ جاقسى بولىپ كەلە جاتىرمىن. مەنٸ قولداپ جاتقان ادامدارعا راقمەت. ...قاتتى كٷيزەلدٸم", - دەيدٸ ۆيدەودا گٷلميرا.
ايتا كەتەيٸك, جەلٸدە تاراپ كەتكەن كادرلاردا "بٸراق..." باعدارلاماسىنىڭ جٷرگٸزۋشٸسٸ ەفيرگە كەلگەن قوناقتان "كٷيەۋٸڭٸز ۇرۋعا سەبەپ بولا ما?" دەپ سۇرايدى. جٷرگٸزۋشٸ تاراپىنان قويىلعان بۇل سۇراق تا قوعامدا سىنعا ۇشىرادى. ودان بٶلەك ەيەلدٸڭ كٷيەۋٸ ونىڭ رۇقساتىنسىز, كەلٸسٸمٸنسٸز ەفيرگە شاقىرىلعانى ايتىلدى.
سونىمەن قاتار, بۇعان دەيٸن "حابار اگەنتتٸگٸ" اق باسقارما تٶراعاسى كەمەلبەك قويشىباەۆ وسى جاعدايعا قاتىستى حالىق پەن ەفير قوناعىنان كەشٸرٸم سۇرادى.
"دەل بٷگٸن قاتىسقان كەيٸپكەرلەردەن دە, كٶرەرمەننەن دە سۇراعان كەشٸرٸمٸمٸزدٸ قابىل الىڭىزدار. ٶز الدىنا قوناعىمىز بولىپ كەلگەن گٷلميرا سمايلوۆا مەن "قورعاۋ-استانا" كريزيستٸك ورتالىعىنىڭ ۇجىمىنان جەكە كەشٸرٸم سۇرايمىز", - دەدٸ ول.
ارتىنشا "حابار" تەلەارناسىندا ەفيرگە شىققانىنا ەكٸ كٷن بولعان توك-شوۋ قوعامدىق رەزونانستان سوڭ جابىلاتىن بولدى.
مەسەلەگە مەدەنيەت جەنە اقپارات مينيسترٸ ايدا بالاەۆانىڭ ٶزٸ دە ارالاستى.
"تەلەارنا رەداكتسيياسىنا بۇل ٷلكەن ساباق بولادى دەپ سانايمىز. اتالعان توك-شوۋ جابىلادى", - دەدٸ مينيستر.
