Soltústik Qazaqstan oblystyq mamandandyrylǵan aýdanaralyq ekonomıkalyq sotynyń tóraǵasy Andreı Dıgant óz erkimen qyzmetten ketti. Buǵan sýdıanyń Qapshaǵaıdaǵy kazınolardyń birinde júrgeni sebep bolǵan. 

Sýdıanyń oıynhanada júrgenin kazınonyń meımandarynyń biri túsiripti. Keıin ony montajdap, áleýmettik jelilerge salǵan. Oblystyq sottyń ózindik qaýipsizdik qyzmeti júrgizgen tekserý nátıjesinde taspadaǵy adamnyń shynymen de Andreı Dıgant ekeni rastaldy. Sóıtip, sýdıa óz erkimen jumystan ketý týraly ótinish jazypty. Ol mamandandyrylǵan aýdanaralyq ekonomıkalyq sotynyń tóraǵasy bop bir jyl buryn taǵaıyndalǵan bolatyn. Oǵan deıin Aqmola oblystyq sotynda qyzmet etken.