Bul óndiris Qyzylorda qalasy, Titov móltek aýdanynda ornalasqan indýstriialdyq aimaqta boi kóteredi. Zaýyt jylyna 197 myń tonnadan astam tabaqsha shynysyn shyǵarmaq. Shyny óndirisine qajetti shikizattyń 95 paiyzy jergilikti jerden. Iaǵni, Aral aýdanynyń kvarts qumy, dolamit pen ák tasy paidalanylady. Tek syrttan keletin kaltsiilendirilgen soda shikizatyn bolashaqta «Araltuz» AQ-men birige otyryp óńirimizde óndirý josparlanýda.
Jobanyń jalpy quny 52,1 milliard teńge. Qarjynyń 80 paiyzyn «Qazaqstannyń investitsiialyq qory» AQ bólse, qalǵan 20 paiyzyn «Steward Engineers» AQSh kompaniiasy investor retinde qarjylandyrmaq. Al qurylys jumystaryn «Orda Glass Ltd» JShS-gi júrgizetin bolady.
- Qyzylorda qalasyndaǵy indýstriialyq aimaqtan atalǵan zaýytqa arnap 50 gektar jer bólindi. Biýdjet esebinen negizgi injenerlik infraqurylymdar tartyldy jáne jobany júzege asyrýǵa biylǵy jyly 1,5 milliard teńge qarjy bólindi. Qurylys alańyn tegisteý, qorshaý jumystary aiaqtaldy. Búginde bul jerdiń injenerlik infraqurylymy tolyqtai sheshilgen. Iaǵni, sý, telefon, gaz, káriz jelileri tartylyp, tas jol tóseldi, - dedi oblys ákiminiń orynbasary Ǵalym Ámireev.
Sonymen qatar, osy zaýyttan aldaǵy ýaqytta «Ekspo 2017» halyqaralyq kórmesi qarsańynda energiia únemdeitin shyny shyǵarý josparlanýda.
Qyzylorda oblysy ákimdiginiń baspasóz qyzmeti
