Ishki ister ministriniń orynbasary Sanjar Ádilov Qyzylordada kámeletke tolmaǵan qyzdy seksýaldyq quldyqqa tartý deregine bailanysty qos qylmystyq is qozǵalǵanyn málimdedi, dep habarlaidy Dalanews.kz.
Ol jaqynda óńirde bolyp, tergeý barysymen tanysqanyn aitty.
"Qazir jaýap alý, bettestirý siiaqty qajetti sharalar jasalyp jatyr. Tergeý jan-jaqty ári muqiiat júrgizilýde. Bul isti ministrlik jiti qadaǵalap otyr. Jábirlenýshiniń qyzmetin paidalanǵandarǵa qatysty quqyqtyq sheshim qabyldanady. Ázirge kúdikti adamdar tolyq anyqtalmady. Keibir tulǵalar kýá retinde jaýap berip jatyr, biraq olarǵa qorǵaný quqyǵy berilgen", – dedi Ádilov.
Aita keteiik, 2023 jyldyń qyrkúieginde politsiia qyzdy zorlaǵan jáne ony jezókshelikke májbúrlegen adamdardy tekserip jatqanyn málimdegen. Keiin belgili bolǵandai, bul faktilerge bailanysty taǵy eki qylmystyq is qozǵaldy.
2024 jyldyń tamyzynda jábirlenýshiniń anasy qyzy synyptastary men olardyń týystary tarapynan qysym kórgenin, esirtkige kúshtep itermelegenin, uryp-soǵyp, aqsha bopsalaǵanyn jariia etti.
Sot protsesi barysynda birneshe aiyptalýshy kináli dep tanyldy. Qyzylorda qalasynyń soty olardy kámeletke tolmaǵandy azaptaý, jezókshelikke tartý jáne aqsha bopsalaý baptary boiynsha aiyptap, jaza taǵaiyndady. Biyl maýsymda oblystyq sot apelliatsiialyq shaǵymdardy qanaǵattandyrmai, úkimdi kúshinde qaldyrdy.
