Qyzylorda oblysynda memlekettik turǵyn úi qorynan páter alý quqyǵyn paidalanbaq bolǵan áieldiń paidasyna sot sheshimi shyǵaryldy. Bul týraly oblystyq sottyń baspasóz qyzmeti habarlady, dep habarlaidy Dalanews.kz.
Sot málimetinshe, ótinish berýshi áiel 1996 jyldan 2008 jylǵa deiin Qyzylordada Makarenko atyndaǵy balalar úiinde tárbielengen. Internatty aiaqtaǵannan keiin uzaq jyldar boiy týystarynyń saiajaiynda turyp kelgen. 2016 jyly turmys quryp, bir ul dúniege ákelgen. Keiinnen ulyna úshinshi top múgedektigi berilgen. Alaida ajyrasqan soń, balasyn jalǵyz ózi tárbielep keledi. Burynǵy kúieýinen eshqandai qoldaý kórmegen.
Jetim retinde memlekettik qordan turǵyn úi alýǵa quqyǵy bar ekenin ol jaqynda ǵana bilgen. Tiisti organǵa kezekke qoiý týraly ótinish bergenimen, turǵyn úi inspektsiiasy ony esepke alýdan bas tartqan. Osydan keiin áiel sotqa júgingen.
"Birinshi instantsiiadaǵy sot memlekettik organnyń áreketsizdigin anyqtady. Iaǵni, jaýapty qurylym ótinish iesin "ata-anasynyń qamqorlyǵynsyz qalǵan balalar" sanatyna jatatyn azamat retinde ýaqytynda turǵyn úi kezegine qoimaǵan. Sonymen qatar sot áieldiń áleýmettik osal topqa jatatynyn jáne baspanaǵa muqtaj ekenin eskerdi", – delingen sot habarlamasynda.
Sot otyrysynda turǵyn úige kezekke turý quqyǵy azamatsha mektepti aiaqtap, attestat alǵan kúnnen, iaǵni 2008 jylǵy 20 maýsymnan bastap týyndaǵany naqtylandy. Osyǵan sáikes, sot onyń turǵyn úi alý quqyǵyn moiyndap, kezekke sol kúnnen bastap qoiýdy mindettedi.
Qalanyń ákimi men turǵyn úi inspektsiiasy bólimine áieldi esepke alý týraly sot qaýlysyn oryndaý tapsyryldy. Qaýly zańdy kúshine endi.
