Qyzylorda qalasynyń turǵyny dárigerdi qabyldaý kezinde judyryqpen urǵany úshin bir jylǵa bas bostandyǵyn shekteý jazasyna kesildi. Bul týraly qalalyq №2 sottyń baspasóz qyzmeti habarlady, dep jazady Dalanews.kz.

İs materıaldaryna sáıkes, aıyptalýshy dáriger naýqastardy qabyldap otyrǵan kabınetke kirgen. Medısına qyzmetkeri kezekti saqtaýdy suraǵan sátte áıel janjal shyǵaryp, dárigerdiń jaǵasynan ustap, judyryqpen urǵan.

"Aıyptalýshyǵa bir jyl merzimge bas bostandyǵyn shekteý túrindegi jaza taǵaıyndaldy", – delingen sot habarlamasynda.

Sot áıeldi Qazaqstan Respýblıkasy Qylmystyq kodeksiniń 108-1-babynyń 2-bóliginiń 2-tarmaǵy («Densaýlyqqa qasaqana jeńil zıan keltirý») boıynsha kináli dep tanydy.