QMA Qyzylorda oblysy boiynsha departamenti kólik prokýratýrasynyń úilestirýimen «SPK Qyzylorda Balyq» JShS basshylyǵyna qatysty tergeýdi aiaqtady dep habarlaidy Dalanews.kz QMA- ne silteme jasap.
2022 jyly atalǵan kásiporynnyń laýazymdy tulǵalary keden organdaryna jalǵan málimetter usynyp, quny 254 million teńge bolatyn jalpy salmaǵy 75 tonnadan asatyn kók serke etin Eýropalyq odaq elderine zańsyz eksporttaǵan.
Balyq ónimderiniń zańdy shyǵý tegin kórsetý maqsatynda kásiporyn shyn máninde balyq ósirý nemese ustaý jaǵdailary bolmaǵan ózimen bailanysy bar tulǵalar men sharýashylyqtardan balyq satyp alynǵany jóninde jalǵan qujattar resimdegen.
Tekserý barysynda bul sharýashylyqtardaǵy sý aidyndarynyń tolyqtai keýip qalǵany, al qujattarda kórsetilgen júk kólikteriniń tasymaldaý qyzmetin is júzinde atqarmaǵany jáne tońazytqysh jabdyqtarmen qamtamasyz etilmegeni anyqtaldy.
Balyq ónimderiniń zańdy shyǵý tegin kórsetý maqsatynda kásiporyn shyn máninde balyq ósirý nemese ustaý jaǵdailary bolmaǵan ózimen bailanysy bar tulǵalar men sharýashylyqtardan balyq satyp alynǵany jóninde jalǵan qujattar resimdegen.
Tekserý barysynda bul sharýashylyqtardaǵy sý aidyndarynyń tolyqtai keýip qalǵany, al qujattarda kórsetilgen júk kólikteriniń tasymaldaý qyzmetin is júzinde atqarmaǵany jáne tońazytqysh jabdyqtarmen qamtamasyz etilmegeni anyqtaldy.
Sonymen qatar, tergeý barysynda jalǵan shot-faktýralar jazylǵany jáne balyq ónimderin tasymaldaýǵa zańsyz veterinarlyq anyqtamalar berilgeni dáleldendi.
Sot úkimimen kásiporynnyń quryltaishysy A. Erhatov jáne direktory L. Qaiypnazarova kináli dep tanylyp, 2 jyl merzimge bas bostandyǵyn shekteý jazasyna kesildi.
Memleket paidasyna 254 mln teńge kólemindegi zańsyz tabys óndirildi.
Sot úkimi zańdy kúshine engen joq.
