Qyzylordada "Armanda" biznes forýmy ótti
Jiynda joiylyp bara jatqan mamandyqtar men suranysqa ie qyzmet túrleri jóninde keń maǵlumat berildi. Qoǵam belsendileri, mediamenedjer jáne din ókilderi ómirlik tájiribelerin aityp berdi.
Otbasy qundylyǵy, genderlik teńdik jáne áieldiń qoǵamdaǵy róli týraly taqyryptar qozǵaldy.
Din men ulttyq salt-dástúrdi ushtastyrý, ulttyń bolmysyna sai jastarǵa ádet-ǵurypty dáripteý tetikteri de talqyǵa salyndy.
Qatysýshylar spikerlerge túrli saýal qoiyp, emin-erkin dialog órbidi.
Láilá Sultanqyzy, qoǵam belsendisi:
- Aldyńǵy qatarǵa shyǵatyn úlken problema jastardyń arasyndaǵy bul – jumyssyzdyq. Bul óńirde de ol másele bar ekenin bilemin, kórip júrmin, jazyp jatady qyz-kelinshekter.
Mysaly, bir ǵana mobilografiia degen mamandyq paida boldy. Mobilografiia arqasynda 7 mamandyq paida boldy. Eger úirenemin degen jasqa tańdaityn bolsa, kiberqaýipsizdigińizdi qamtamasyz etetin agentter bar. Olardyń jalaqysy úlken. IT salasynda osyǵan den qoiý kerek ekenin ýaqyt dáleldedi.
Nurlan Asanov, dintanýshy:
- Qazaq rýhaniiatynyń bulaǵy shaiqalmaǵan jer bolmaǵandyqtan, kóbinese otbasyndaǵy balalarmen mámile, urpaq tárbiesi, oiynqumarlyq, ishimdik nemese sýitsid jaǵdailarmen qalai kúresemiz? Urpaqty qalai tárbieleimiz jáne sózdi burmalaý, durys túsinbeý solardyń naqty sheshimin qalai túsinýimiz kerek? Ne dep jaýap berýimiz kerek, osy baǵytta oi bólistik.
