Qyzylordada 6600 azamatqa jer berildi
Azamattarǵa jer berý úshin Qyzylorda-Jezqazǵan tas jolynyń boiynan 980 gektar jer bólingen. Bul jerde endi "Báiterek" dep atalatyn jańa móltek aýdan qurylady.
Oblys ákimdiginiń málimdeýinshe, jańa móltek aýdanǵa aldaǵy ýaqytta 75 shaqyrym jol salynyp, 353 shaqyrym sý júiesi, 112 shaqyrym gaz qubyry, 152 shaqyrym elektr jelileri tartylady. Bul úshin biýdjetten 10 milliard teńgege jýyq qarjy bólinedi.
Bul oblysta sońǵy ret halyqqa jer telimi 2004 jyly berilgen. Qazir Qyzylordada áli 42 myń azamat jer alý kezeginde tur.
