Oblys ákimi Nurlybek Nálibaevtyń qatysýymen aldaǵy qos mereke - Konstitýtsiia jáne Bilim kúni qarsańynda «Arai» móltek aýdanyndaǵy 1500 oryndyq «Keleshek mektebiniń» resmi ashylýy ótti. Jiynǵa Oqý-aǵartý ministri Ǵani Beisembaev, Parlament Senaty men Májilisiniń depýtattary Naýryzbai Baiqadamov, Rýslan Rústemov, Murat Ábenov, Murat Ergeshbaev, elimizdiń barlyq óńirinen kelgen qonaqtar jáne ziialy qaýym ókilderi arnaiy qatysty,- dep habarlaidy Dalanews.kz
Aimaq basshysy jinalǵan qaýymdy, jańa dáýir mektebiniń ustazdary men shákirtterin quttyqtady.
«Prezidentimiz Qasym-Jomart Kemeluly «Balanyń bári birdei. Aýyl balasy men qala balasynyń bilim alý múmkindigi de birdei bolýy kerek. «Keleshek mektepteri» jobasynyń negizgi maqsaty da – osy», - degen bolatyn. Búgin Myrzabek Dúisenov atyndaǵy №15 mektep-litseiiniń zamanaýi ári eńseli «Keleshek mektebin» ashamyz. Jańa oqý jylynan bastap bul mektep-litseide mektepaldy daiarlyq synyptary ashylyp, jaratylystaný-matematikalyq baǵyttaǵy pánder tereńdetilip oqytylady.
«Keleshek mektepteri» ulttyq jobasy aiasynda salynǵan bilim ordasy oqý men izdenis arqyly ár balanyń bolashaǵyn aiqyndap, eldiń damýyna jol ashady. Prezidentimizdiń, Úkimettiń erekshe qoldaýymen Syr óńirinde baiypty bastamalar qolǵa alynyp, jasampaz jobalar júzege asýda. Oblysymyzdyń biýdjeti 823 mlrd. 400 mln. teńgeni qurap, 2022 jyldan beri 226 paiyzǵa ósti. Bul qarajat óńirdiń eń ózekti máselelerin sheshýge, turǵyndardyń ómir súrý sapasyn jaqsartýǵa, aýqymdy infraqurylymdyq jobalardy iske asyrýǵa baǵyttalýda.
Turaqty qoldaýdyń arqasynda óńirimizdiń bilim salasy tolaǵai tabysqa jetip keledi. Sáýleti men kelbeti kelisken jańa mektepter boi kóterdi. Sońǵy úsh jylda salaǵa 812 mlrd. 245 mln. teńge, biyl 346 mlrd. 800 mln. teńge qaraldy. Qarjylandyrýdyń barlyq kózinen ótken jyly 31 mlrd. 800 mln. teńgege 13 bilim berý uiymy jańadan ashyldy. Memleket basshymyzdyń bastamasymen qolǵa alynǵan «Keleshek mektepteri» ulttyq jobasy aiasynda 54 mlrd. 400 mln. teńgege 6 900 oryndyq 10 mekteptiń qurylysy júrgizilip, paidalanýǵa berilýde. Búginde 3 300 oryndyq 7 mektep el igiligine tabystaldy. Qalǵan 3 mekteptiń ekeýin saltanatty túrde ashý úshin bas qostyq. Taǵy bir mektep Ustazdar kúninde paidalanýǵa beriledi. Jańa mektepterdiń ashylýy – bul jai ǵana ǵimarattardyń salynýy emes, jańa dáýirde bilim alatyn ozat oqýshylarǵa jańa múmkindikter syilaý. 2024-2025 jyldary Qyzylorda qalasynda 1 500 oryndyq 2 «Keleshek mektebin» paidalanýǵa berdik. Búgin, mine, «Arai» móltek aýdanynda quny 8 mlrd. teńge bolatyn 1 500 oryndyq mektepti tabystaýdamyz. Munyń barlyǵy jas urpaqtyń igiligi úshin jasalýda», - dedi N.Nálibaev.
Rásimde bilim berý salasynyń damýyna eleýli úles qosqan ustazdar men qurylysty sapaly ári merziminde salǵan merdiger mekeme qyzmetkerlerine Qyzylorda oblysynyń Qurmet gramotasy men oblys ákiminiń Alǵys haty tabystaldy.
Ǵani Beisembaev, Murat Ábenov óńirdegi aýqymdy jumystarǵa oń baǵasyn berip, quttyqtaýyn jetkizdi.
Eske salaiyq, 2023 jyldan beri oblystyq biýdjet esebinen 5 mlrd. 700 mln. teńgege 9 mektepke 2 900 oryndyq qosymsha ǵimarat salynyp, úsh aýysymdyq mektepter máselesi túbegeili sheshimin tapty.
«Bilimdi qoldaý qory» arqyly 8 mlrd. 400 mln. teńgege daryndy balalarǵa arnalǵan fizika-matematika mektep-internaty el igiligine tabystaldy.
Bilim ordasynda oqýǵa elimizdiń 17 aimaǵynan 1 445 oqýshy ótinish bildirip, bilim báigesinde joǵary kórsetkishterge qol jetkizgen 200 bala qabyldandy.
Atalǵan qor esebinen 2 mlrd. 333 mln. teńgege Aral aýdany Mergensai eldi mekeninen 150 oryndyq zamanaýi mekteptiń qurylysy júrýde. Nysan qarasha aiynda paidalanýǵa beriledi.
Prezident tapsyrmasyna sáikes aldaǵy úsh jylda óńirdegi 51 mektep kúrdeli jóndeýden ótedi.
Biyl oblystyq biýdjetten 2 mlrd. 400 mln. teńge bólinip, 9 mektep qaita jańǵyrtyldy.
