Qyzylordada 10 jastaǵy Álinur shamamen úsh jyldan beri aýyr uiqysyzdyqtan zardap shegip keledi. Anasynyń aitýynsha, bala bir túnde bar bolǵany bir saǵattai ǵana kóz ile alady, dep habarlaidy Dalanews.kz «7 arnaǵa» silteme jasap.
Álinurdyń otbasy birneshe márte dárigerlerge júgingen. Alaida júrgizilgen tekserýler men taldaýlar balanyń densaýlyǵynda aitarlyqtai aýytqýlardy anyqtamaǵan. Dárigerler tynyshtandyratyn dáriler taǵaiyndaǵanymen, olar aiqyn nátije bermegen.
Balanyń anasy Ainash Qaipbaeva ulynyń uiqysy kún ótken saiyn azaiyp bara jatqanyn aitady. Onyń sózinshe, túngi ýaqyt búkil otbasy úshin úlken synaqqa ainalǵan.
Al Álinurdyń ózi uiyqtaǵysy kelgenimen, múlde uiyqtai almaitynyn aitady. Erte jatsa da, tek tún ortasynan keiin ǵana kózi ilinedi. Tańerteń jii basy aýyryp, kózi isinip, álsizdik sezinedi. Keide tús kórgendei bolady, alaida saǵatqa qarasa, bar bolǵany birneshe minýt qana ótkenin ańǵarady.
Mamandardyń aitýynsha, buryn uiqysyzdyq kóbine egde jastaǵylarǵa tán másele sanalsa, qazir bul jaǵdai balalar arasynda da jii tirkele bastady. Sebepterdiń biri smartfondy shamadan tys paidalaný bolýy múmkin.
