2024 jyldyń 23 mamyrynda Qyzylorda, Túrkistan jáne Shymkent qalalarynda «ADAM BOL» filminiń qaiyrymdylyq kórsetilimderi ótti. Bul shara metsenattardyń qoldaýy men filmniń shyǵarmashylyq komandasynyń arqasynda ótti.
«ADAM BOL» filminiń premerasy 16 mamyrda eldegi barlyq kinoteatrynda ótti, ol álemdegi ekinshi iri kinostýdiia Nollivýd – Nigeriiada túsirilgen alǵashqy qazaqstandyq film. Ony túsirýge nigeriialyq Nollivýdtyń rejisserleri, jazýshylary, operatorlary men akterleri qatysty, osylaisha bul joba biregei bolyp, halyqaralyq qyzyǵýshylyq tanytty.
Film Nigeriiaǵa tap bolǵan, bar bailyǵyn shashyp úirengen oligarhtyń uly Arsen men dosy Mádi jáne Toqtar jaily. Olardy jabaiy djýnglide bireýler urlap, túrli synaqtan ótkennen keiin ómir jaily tereń oilanyp, ony qaitadan bastaýǵa daiyn bolady. Arsen birneshe synaqtan ótip, ómir súrip qana qoimai, qai jerde bolsań da adam bolyp qalý mańyzdy ekenin túsinedi.
«ADAM BOL» - erekshe patriottyq sezimge toly film, onda tárbie, adami qarym-qatynas pen patriotizm máselesi kóteriledi. Filosofiialyq oilarǵa toly filmde adamdy tárbielei alatyn, ómirde bolatyn túrli jaǵdailar kórsetiledi.
Qaiyrymdylyq kórsetilimder úsh qalada oidaǵydai ótti. Qyzylordada film Aray City Mall ortalyǵyndaǵy Kinoplexx 8-de kórsetilgen. Túrkistan men Shymkentte Hanshaiym plazadaǵy Kinopark 4-te jáne Nauryz Park-te ótti. Qaiyrymdylyq kórsetilimder metsenattar men shyǵarmashylyq toptyń qoldaýymen ótti. Film kórsetilimderi az qamtylǵan otbasylar men jetim balalarǵa arnalǵan. Is-sharalarǵa barlyq biletter tegin berildi.
