Qyzylorda oblystyq máslihat sessiiasynda QR Úkimetiniń janyndaǵy respýblikalyq onomastika komissiiasynyń qaraýyna Qyzylorda oblysynyń bilim berý jáne mádeniet uiymdaryna ataý berý jónindegi usynystar qaraldy.
Oblystyq qoǵamdyq damý basqarmasynyń basshysy Mira Qazbekova máslihat depýtattaryna osy kúnge deiin óńirlik onomastika komissiiasynyń otyrystarynda qoldaý tapqan tiisti basqarmalardyń usynysyn jetkizdi.
Atap aitqanda, Qyzylorda oblystyq filarmoniiasyna kompozitor Keńes Dúisekeevtiń esimin berýge qoldaý bildirildi. Atalǵan bastama aldaǵy ýaqytta respýblikalyq onomastika komissiiasy qaraýyna usynylady.
Keńes Dúisekeev – Qazaqstannyń eńbek sińirgen óner qairatkeri. Óner jolynda 200-den astam shyǵarma jazdy. Onyń ishinde «Tolǵaý» simfoniiasy, «Jalańtós batyr» simfoniia poema-kartinasy, «O, dúnie» kantatasynyń, «Jyl mezgilderi» romanstar tsikliniń avtory boldy.
«Gúlder» ansambliniń, «Qazaqkontsert» gastroldik-kontsert birlestiginiń mýzyka jetekshisi, kórkemdik jetekshisi, «Qazaq teledidary» mýzyka redaktsiiasynyń bas redaktory, Qazaqstan memlekettik teleradio komiteti estradalyq-simfoniia orkestriniń kórkemdik jetekshisi jáne bas dirijeri qyzmetterin atqardy.
