Advokat Lázzat Kendebaiqyzynyń Qyzylorda oblysynyń eks-ákimi Q. Ysqaqovqa qatysty posttaryna el shýlap jatqan soń ne bolyp jatyr eken dep qarap shyǵyp, tań qalyp otrymyn.
Arystaǵy jarylystan keiingi jaǵdaidan soń Qyzylorda oblysynyń eks-ákiminiń orynbasary 80 million para alyp, halyqtan jinalǵan aqshany jymqyryp ketipti degen aqparat burq ete qalǵan bolatyn. Sodan sol aqparattardyń birnesheýine men de baryp, kózim jetpese de, "Memlekettik deńgeidegi bir qunyqqan jemqordyń biri ǵoi, bul júiede ońǵan adam bolǵan emes..." dep pikir qaldyrǵan edim.
Lázzat Kendebaiqyzynyń sol is boiynsha jazyp jatqan posttaryna zer salsam, jaǵdai biz oilaǵannan múlde bólek bolyp shyqty. Lázzat Ahatovanyń postynyń astyna elge belgili Abzal Quspannyń pikirin oqyp, taǵy tań qaldym.
Eki bilikti zańger de ap-anyq etip jazyp otyr. Jaǵdai múldem bólek. Sot organdary men tergeý organdary isti aiaýsyz burmalap, ózderiniń maqsattaryn iske asyrýda aldyna jan salmaǵan. Mundai burmalaýshylyq Islam Ábishev aǵamyzdyń isinde de oryn alǵan bolatyn. Mynaý jaǵdaiǵa atústi qaraiyn deseń, memleketke tanymal eki birdei zańgerdiń jazbasy anyq dálel bolyp tur.
Lázzat Kendebaiqyzy men Abzal Quspannyń pikirin qarap shyǵyp, sot organdarynda rasynda sumdyq degradatsiia men regress bolyp jatqanyn ańǵarasyń. Bizdiń zaiyrly eldegi sottyń syiqy osy. Mynadai sot organdary turǵanda, bizdiń eldiń túlep ósýi ekitalai. Bolashaq ta qorqynyshty. Mynaý túrimen bizdi el qylmaidy eken. Bizdiń tergeý organdary men sot organdary 1931-1937 jj jala jabý, qýǵyndaý, qýdalaý, qaralaý sistemamen jumys istep jatyr.
Bizdiń kózimiz naqty bir nársege jetpei, aldyn ala kósemsip qoiatynymyz ras eken. Oblys ákiminiń buiryǵy shyqqannan keiin taǵaiyndalǵan ákimniń orynbasarynyń óziniń ókilettigi bolmaǵan iske nusqaý berdi etip, ózge bireýlerdiń qolymen kóseý kósep, aiypty qylyp otyr. Qarjy sol mańaidyǵy bireýlerdiń nusqaýymen basqa jaqqa aýdarylyp ketken. Ony qýattap kórsetetin qujattar men kýágerler de bar eken. Sonda da is burmalanyp jatyr. Bul ózderiniń bylyqtarynyń betin jabý úshin qurbandyq izdeýdiń joly ǵana. Qaralyp jatqan isterge da nazar salyp kórdim. Bári burmalaýshylyq pen aiaqasty etip quqyn taptaý. Sol kezdegi aǵat pikirim úshin de keshirim suraimyn.
Meniń de esep shottarymdy bireýler zańsyz jaýyp tastap otyr. Sotqa aryz berdim, múldem qaralǵan joq. Odan keiin taǵy da aryz berdim, taǵy da qaralǵan joq. Biz sonda ne isteýimiz kerek? Joǵary deńgeidegi memlekettik qyzmetkerdiń quqy osylai taptalyp jatqan soń, qarapaiym adamdyń quqyn qalai daýlai alyp jatyrmyz ba? Biz qorqynyshty júiede ómir súrip jatyrmyz. Jaýaby joq óte aýyr suraq áiteýir.
Bekbolat Qarjannyń áleýmettik jelidegi jazbasy
