Qyzylorda oblysynda mas kúiinde kólik basqarǵan júrgizýshiler zań aldyndaǵy jaýapkershilikten bosatylǵan, dep habarlaidy Dalanews.kz.
"Sot qaýlysymen alkogol tutynyp, masań kúide kólik quralyn basqarǵan úsh adam jaýapkershilikten bosatylǵany anyqtaldy", – delingen oblystyq prokýratýranyń habarlamasynda.
Qyzylorda oblysynyń prokýratýrasy ákimshilik ister boiynsha sot sheshimderiniń zańdylyǵyn taldap, nátijesinde 30 zańsyz aktiniń kúshi joiylǵan. Osy tekserýler barysynda mas kúiinde kólik basqarǵan 3 júrgizýshige qatysty istiń negizsiz toqtatylǵany belgili boldy.
Máselen, bir jaǵdai boiynsha, quqyqbuzýshy mas kúiinde kólik júrgizip, kólikti urlap, jol-kólik oqiǵasyn jasap, oqiǵa ornynan qashyp ketken. Soǵan qaramastan, Shieli aýdandyq soty ony jábirlenýshimen tatýlasýyna bailanysty jazadan bosatqan.
Prokýratýranyń aralasýynan keiin apelliatsiialyq instantsiia sot qaýlysyn joiyp, quqyqbuzýshyny 20 táýlikke qamaýǵa alyp, júrgizýshi kýáliginen jeti jylǵa aiyrý jazasyn taǵaiyndady.
