2025 jyly elimizdegi aqyly joldardan túsetin tabys 60 mlrd teńgeni quraidy dep kútiledi. Bul boljammen Kólik ministrligi bólisti, dep jazady Dalanews.kz.
2025 jyly I-toqsanda uzyndyǵy 2,2 myń shaqyrymdy quraityn 10 ýchaske aqyly bolmaq. Bul týraly Kólik ministrliginiń LS basylymy joldaǵan saýalǵa bergen jaýapta aitylady.
Sonymen 2025 jyly I-toqsanda aqyly bolatyn jol ýchaskeleri mynalar:
- Qyzylorda – Aral (455 km),
- Aqtóbe – Mártók (92 km),
- Qostanai – Troitsk (163 km),
- Aqtaý – Beineý (454 km),
- Qostanai – Denisovka (169 km),
- Shý – Býrylbaital (184 km),
- Úsharal – Dostyq (180 km),
- Balqash – Býrylbaital (91 km),
- Qandyaǵash – Maqat (385 km),
- Taraz qalasyn ainalyp ótetin jol ýchaskesi (57 km).
Quzyrly vedomstvo málimetinshe, elimizde qazirgi ýaqytta uzyndyǵy 3,2 myń shaqyrymdy quraityn 17 jol ýchaskesi bar.
"Jyl basynan beri aqyly joldardan túsken soma 48 mlrd teńgeni quraidy. Al 2025 jyly bul kólem 60 mlrd teńgege jetedi dep boljanady", - deidi ministrliktegiler.
