Qyzylorda qalasynyń ákimdigi jol jóndeý jumystaryn bastar aldynda tiisti habarlama jibermegeni belgili boldy, dep habarlaidy Dalanews.kz.
Prokýratýranyń málimetinshe, zańǵa sáikes, qurylys-montaj jumystary bastalmas buryn tapsyrys berýshi memlekettik sáýlet-qurylys baqylaý organdaryna bul týraly habarlaýǵa mindetti. Bul talap "Qazaqstan Respýblikasyndaǵy sáýlet, qala qurylysy jáne qurylys qyzmeti týraly" Zańnyń 68-babynyń 12-tarmaǵynda jáne "Ruqsattar jáne habarlamalar týraly" Zańda kórsetilgen.
Alaida qala ákimdigi Qyzylorda oblysynyń baqylaý basqarmasyna aldyn ala eskertý jasamai, tórt kóshede jóndeý jumystaryn bastaǵan.
"Qadaǵalaý nátijesinde laýazymdy tulǵalar Ákimshilik quqyq buzýshylyq týraly kodekstiń 463-babynyń 1-bóligi boiynsha kináli dep tanylyp, olarǵa 25 AEK kóleminde ákimshilik aiyppul salyndy", – dep habarlady prokýratýra.
