Qyzǵaldaqty julǵandar zańmen jazalanady
Túrkistan oblysynda Qyzyl kitapqa engen «greig» qyzǵaldaǵyn qatań shara kóriledi. Bul týraly Túrkistan oblysy Óńirlik kommýnikatsiialar qyzmetinde ótken brifingte Túrkistan oblysy politsiia departamenti jergilikti politsiia qyzmeti basqarmasynyń tabiǵatty qorǵaý tobynyń aǵa inspektory Nurlan Tumanbaev málimdedi.
Sondai-aq, Túrkistan oblystyq orman sharýashylyǵy aýmaqtyq inspektsiiasynyń bólim basshysy Hamit Jorabekov qyzǵaldaqtardy qorǵaýǵa baǵyttalǵan sharalar boiynsha toqtaldy. Al, Túrkistan oblysy politsiia departamenti jergilikti politsiia qyzmeti basqarmasynyń tabiǵatty qorǵaý tobynyń aǵa inspektory Nurlan Tumanbaev qyzyl kitapqa engen «Greig» jáne «Koýfman» qyzǵaldaǵyn julýshylar jaýapqa tartylatyndyǵyn jetkizdi.
– Qazaqstannyń «Qyzyl kitabyna» engizilgennen keiin «Greig» jáne «Koýfman» qyzǵaldaǵyn zańsyz julý QR qylmystyq kodeksiniń 339 babynda kózdelgen qylmystyq jaýapkershilikpen qaralady. Quqyqbuzýshynyń áreketi dáledengen jaǵdaida oǵan sot sheshimimen 3 myń ailyq eseptik kórsetkishpen aiyppul salý nemese bas bostandyǵynan aiyrý jazasyna alyp kelip soqtyrýy múmkin. Jyl basynan oblys turǵyndary zańsyz julǵan 57 dana qyzǵaldaq tárkilendi, – dedi Túrkistan oblysy politsiia departamenti jergilikti politsiia qyzmeti basqarmasynyń tabiǵatty qorǵaý tobynyń aǵa inspektory N. Tumanbaev.
Sondai-aq, Syrdariia – Túrkistan Memlekettik óńirlik tabiǵi parkiniń týrizm bóliminiń basshysy Ǵani Nazarbek tabiǵat aiasynda demalýǵa shyqqan kópshilik áleýmettik jelide qyzǵaldaqtarmen túsken sýretin esh qymsynbastan jariialap jatqanyn aitty. Sondai-aq, baǵa jetpes jaýharymyzdy kózdiń qarashyǵyndai saqtaý qajettigin jetkizdi.
Túrkistan oblysy Óńirlik kommýnikatsiialar qyzmeti
