Óz kezeginde qyzdyń ákesi Arýjan Sainnyń aqparatyn túgelimen joqqa shyǵardy. Qazirgi tańda qyz mektepke baryp, árip tanyp, esep shyǵarýdy meńgerip jatqanyn, jalpy jaǵdaiy jaqsy ekendigin jetkizdi.
Alǵashqyda qyzdyń ata-anasy Túrkistan qalasyndaǵy HQTÝ klinikasyna emdelgen. Keiinnen Tashkent qalasynda qatynap júrip 1 jyldai em qabyldapty. Sodan keiin ata-ana áleýmettik jeli arqyly Arýjan Sain kómek beredi degen nietpen habarlasyp, kómek suraǵan.
Arýjan Sain qyzdyń qujattarymen tanysyp, Qazaqstan Respýblikasynyń Bas prokýratýrasyna balanyń ata-anasyn qatysty «ata-ana quqyǵynan aiyrý» týraly aryz bergen. QR Bas prokýratýrasy qylmystyq ic ashyp, OQO jáne Túrkistan qalalyq prokýratýralarynyń baqylaýymen 1,5 jyldai ýaqytta tergeý júrgizilgen.
Osy tergeý amaldary júrgizilgen aralyqta balanyń densaýlyǵy nasharlap, em qabyldaýyna qatty kedergi kelgeni málim bolýda. Óitkeni balany kútýshi ata-anasy men týǵan-týystary, kóshilerine deiin tergeýde bolǵan.
Osylaisha kómek surap barǵan ata-anaǵa Arýjan Sain aryz berip, balany tiri ata-anasynyń kezinde balalar úiine ótkizbek bolǵan. Nátijesinde sot balanyń ata-anasyna qatysty «ata-ana quqyǵynan aiyrylmaidy» dep ókim shyǵaryp, bul iske núktesin qoidy.
Qyzdyń ákesi Arýjan Sainnyń olarǵa jáne basqalarǵa kómektesýdiń ornyna nege sotqa berip, tiri ata-anasy bar balalardy balalar úiine ótkizemin deýdegi maqsaty «memleket pen sheteldik qorlardan aqsha alý ma» degen suraq jaýapsyz qalǵanyn aitty.
Sonymen qatar, ol: «Feisbýk áleýmettik jelisinde Arýjan Sainnyń qyz tiri me, joq pa bile almai otyrmyz, ákesiniń telefony óshirýli degen aqparyn tolyqtai teriske shyǵardy. Óz sózinde meniń nómirim aýysqan emes jáne eshkim bul taqyrypta habarlasqan joq. Arýjanǵa ózimiz habarlassaq telefonyn árdaiym kómekshileri kóteredi, oǵan shyǵý múmkin emes jáne qyzymnyń salmaǵy men jaǵdaiyna qatysty aqparaty da jalǵan» degendi jetkizdi.
Sóz sonyńda balanyń ákesi Arýjan Sainmen betpe-bet kezdesýge daiyn ekendigin aityp ótti.
