«Qyzdar ýniversiteti – taza aimaq» jalpyýniversitettik senbiliktiń ótýine oqý ornynyń bilimgerleri uiytqy bolyp, yqylas tanytqan. Jastar osylaisha qazynaly qarashańyraqtyń kórkeiýine, ásem kelbetin saqtaýyna ózindik úlesterin qospaq.
Sharaǵa qatysýshylar qoqysty jinaityn arnaiy jabdyqtarmen, qolǵaptarmen jáne qaptarmen qamtamasyz etildi.
Bilim ordasyn sanitarlyq tazalaýǵa, abattandyrý men kógaldandyrýǵa baǵyttalǵan senbilik barysynda barlyq fakýltet stýdentteri bekitilgen aýmaqtaryn tazalap, oqý ǵimarattary men jataqhanalar mańyndaǵy aǵashtardy árledi.
– Basty maqsatymyz – ýniversitet ujymy men stýdentteriniń nazaryn oqý ornynyń aýmaǵyn taza ustaýǵa jáne ekologiialyq mádenietin qalyptastyrýǵa aýdarý. Senbilikti ótkizý dástúri búgingi qoǵamnyń ajyramas bóligine ainalýy tiis dep oilaimyz. Osy taqilettes is-sharalar adamdy, ásirese, biz siiaqty jastardy tárbie men tártipke baýlidy. Qazaqstannyń Tuńǵysh Prezidenti otandastarymyzdy jalpyǵa ortaq eńbek qoǵamy bolýǵa shaqyrdy. Mine, Elbasynyń bastamasyn qoldap-qýattaýdy naqty is júzinde kórsetý osyndai jumystardan ańǵarylady, – deidi Qyzdar ýniversitetiniń stýdentteri.
Jastardyń paiymdaýynsha, mundai aktsiialar barysynda ortaqtasyp eńbek etý kópshil bolýǵa, bir-birine yqylas tanytýǵa daǵdylandyrady.
Sonymen qatar is-sharalar aiasynda ýniversitettiń sport kesheni men jataqhanalarynda sporttyq oiyndardan jarystar ótti. Atap aitqanda, stýdentter shahmat, doiby, toǵyzqumalaq oiyndary boiynsha baqtary men baptaryn synap, ózara myqtyny anyqtady. Sondai-aq bi jarystary da uiymdastyryldy. Saiystarda «júzden – júirik, myńnan – tulpar» shyqqandar «Alǵys hattarmen», kýboktarmen marapattaldy.
Joba sheńberinde oqý ornynyń professor-oqytýshylary jataqhanalarda túrli taqyryptarda seminar-treningter men pikirsaiystar jáne syr-suhbattar ótkizdi Jiynǵa qatysýshylar «Stýdentter arasynda kommýnikativti bailanysty arttyrý», «Til tazalyǵy ult mádenietiniń ainasy», «Ulttar dostyǵy – qos júrektiń shattyǵy» (ár túrli ult ókilderiniń nekelesýine jastardyń kózqarasy), «Men jastarǵa senemin», «Ustaz – ulttyń shamshyraǵy», «Qyz tárbiesi – ult tárbiesi», «Patriotizm – ulttyq rýhtyń asqaq belgisi» taqyryptary tóńireginde ózindik oilarymen bólisti, keleli keńester aitty, paiymdy pikirlerin bildirdi.
Qazaq ulttyq qyzdar pedagogikalyq ýniversitetiniń Áleýmettik-tárbie jumysy jáne jastar saiasaty bóliminiń málimetine súiener bolsaq, búgin oqý ornynda jalpy sany 25 is-shara ótti. Oǵan fakýltetter men jataqhanalar ujymdary jáne stýdentterdiń ózin-ózi basqarý uiymdary belsene at salysqan.
Qazaq ulttyq qyzdar pedagogikalyq ýniversitetiniń
Baspasóz jáne qoǵammen bailanys bólimi
