Qyzdar ýniversiteti QS «3 juldyzyn» ielendi
Buǵan deiin Qazaq memlekettik qyzdar pedagogikalyq ýniversiteti táýelsiz reiting agenttiginiń qorytyndysy boiynsha úzdik pedagogikalyq ýniversitet atanǵan. Mamandar daiyndaý baǵyttary jáne deńgeileri boiynsha respýblikamyzdyń barlyq joǵary oqý oryndary arasyndaǵy 7 orynda turǵan ýniversitet. Al endi QazMemQyzPÝ jańa deńgeige kóterildi – bilim berý sapasy, infraqurylym, áleýmettik orta jáne basqa da erekshelikterimen halyqaralyq reitingtiń «3 juldyzyna» ie bolyp otyr.
QS Stars – ýniversitet qyzmetinesegiz ólshemi boiynsha kópaspektili baǵa beretinQS Quacquarelli Symonds qurastyrǵan reitingtik júie.Bilim berýdi uiymdastyrýdyń 50 indikatory boiynsha júrgizilgen aýdittik keshendi tekserýdiń qorytyndysy boiynsha ýniversitetke reitingtiń 0-den 5+-ke deiingi QS «juldyzy» beriledi. Ýniversitet jumysy táýelsiz derekkózderi arqyly keshendi saraptama negizinde baǵalanady. Onyń ishinde akademiialyq jáne kásibi orta ókilderiniń (onyń ishinde – jumys berýshilerdiń) saýalnamasynyń qorytyndysyn, bilim berý mekemesine degen stýdentter men túlekterdiń kózqarasyn da eskere otyryp jalpy balldan qorytyndy reiting baǵasyn anyqtaidy.
QS Stars talabynda kórsetilgendei QS Intelligence toby óte qatal ári táýelsiz saraptama kórsetkishteri men tiimdilik qorytyndysyn shyǵara otyrp, reiting ádisnamasy boiynsha Qazaq memlekettik qyzdar pedagogikalyq ýniversitetine «3 juldyzdy» berýge uiǵarym shyǵarǵan.
QS e Stars ™ reiting júiesin 2004 jyldan bastap QS World University Rankings® táýelsiz quraýshysy QS Intelligence Unit arqyly elektrondy júie boiynsha basqarylady. QS e Stars reitingisi ýniversitetterdi halyqaralyq standarttar boiynsha aldyn ala belgilengen mańyzdy kórsetkishter arqyly baǵalaidy. Osy arqyly bilim berý mekemelerin úzdik kórsetkishterge talpyndyra otyryp, olardyń deńgeilerin arttyrýǵa septigin tigizedi.
Qazaq memlekettik qyzdar pedagogikalyq ýniversiteti árbir jekelegen ólshem boiynsha baǵalandy: bilim berý – 5, túlekterdi jumysqa ornalastyrý – 3, internatsionalizatsiia – 1, infraqurylym – 5, áleýmettik jaýapkershilik – 2, inkliýzivtik – 5, zertteý – 1, qorytyndy ball – 3.
«Qyzdar ýniversiteti» media ortalyǵy
