بۇعان دەيىن قازاق مەملەكەتتىك قىزدار پەداگوگيكالىق ۋنيۆەرسيتەتى تاۋەلسىز رەيتينگ اگەنتتىگىنىڭ قورىتىندىسى بويىنشا ۇزدىك پەداگوگيكالىق ۋنيۆەرسيتەت اتانعان. ماماندار دايىنداۋ باعىتتارى جانە دەڭگەيلەرى بويىنشا رەسپۋبليكامىزدىڭ بارلىق جوعارى وقۋ ورىندارى اراسىنداعى 7 ورىندا تۇرعان ۋنيۆەرسيتەت. ال ەندى قازمەمقىزپۋ جاڭا دەڭگەيگە كوتەرىلدى – ءبىلىم بەرۋ ساپاسى، ينفراقۇرىلىم، الەۋمەتتىك ورتا جانە باسقا دا ەرەكشەلىكتەرىمەن حالىقارالىق رەيتينگتىڭ «3 جۇلدىزىنا» يە بولىپ وتىر.
QS Stars – ۋنيۆەرسيتەت قىزمەتىنەسەگىز ولشەمى بويىنشا كوپاسپەكتىلى باعا بەرەتىنQS Quacquarelli Symonds قۇراستىرعان رەيتينگتىك جۇيە.ءبىلىم بەرۋدى ۇيىمداستىرۋدىڭ 50 ينديكاتورى بويىنشا جۇرگىزىلگەن اۋديتتىك كەشەندى تەكسەرۋدىڭ قورىتىندىسى بويىنشا ۋنيۆەرسيتەتكە رەيتينگتىڭ 0-دەن 5+-كە دەيىنگى QS «جۇلدىزى» بەرىلەدى. ۋنيۆەرسيتەت جۇمىسى تاۋەلسىز دەرەككوزدەرى ارقىلى كەشەندى ساراپتاما نەگىزىندە باعالانادى. ونىڭ ىشىندە اكادەميالىق جانە كاسىبي ورتا وكىلدەرىنىڭ (ونىڭ ىشىندە – جۇمىس بەرۋشىلەردىڭ) ساۋالناماسىنىڭ قورىتىندىسىن، ءبىلىم بەرۋ مەكەمەسىنە دەگەن ستۋدەنتتەر مەن تۇلەكتەردىڭ كوزقاراسىن دا ەسكەرە وتىرىپ جالپى باللدان قورىتىندى رەيتينگ باعاسىن انىقتايدى.
QS Stars تالابىندا كورسەتىلگەندەي QS Intelligence توبى وتە قاتال ءارى تاۋەلسىز ساراپتاما كورسەتكىشتەرى مەن تيىمدىلىك قورىتىندىسىن شىعارا وتىرپ، رەيتينگ ءادىسناماسى بويىنشا قازاق مەملەكەتتىك قىزدار پەداگوگيكالىق ۋنيۆەرسيتەتىنە «3 جۇلدىزدى» بەرۋگە ۇيعارىم شىعارعان.
QS ە Stars ™ رەيتينگ جۇيەسىن 2004 جىلدان باستاپ QS World University Rankings® تاۋەلسىز قۇراۋشىسى QS Intelligence Unit ارقىلى ەلەكتروندى جۇيە بويىنشا باسقارىلادى. QS ە Stars رەيتينگىسى ۋنيۆەرسيتەتتەردى حالىقارالىق ستاندارتتار بويىنشا الدىن الا بەلگىلەنگەن ماڭىزدى كورسەتكىشتەر ارقىلى باعالايدى. وسى ارقىلى ءبىلىم بەرۋ مەكەمەلەرىن ۇزدىك كورسەتكىشتەرگە تالپىندىرا وتىرىپ، ولاردىڭ دەڭگەيلەرىن ارتتىرۋعا سەپتىگىن تيگىزەدى.
قازاق مەملەكەتتىك قىزدار پەداگوگيكالىق ۋنيۆەرسيتەتى ءاربىر جەكەلەگەن ولشەم بويىنشا باعالاندى: ءبىلىم بەرۋ – 5، تۇلەكتەردى جۇمىسقا ورنالاستىرۋ – 3، ينتەرناسيوناليزاسيا – 1، ينفراقۇرىلىم – 5، الەۋمەتتىك جاۋاپكەرشىلىك – 2، ينكليۋزيۆتىك – 5، زەرتتەۋ – 1، قورىتىندى بالل – 3.
«قىزدار ۋنيۆەرسيتەتى» مەديا ورتالىعى
