Onyń aqparatyna súiener bolsaq, quramynda oqý ornynyń prorektory, fakýltet dekandary men Media departamentiniń qyzmetkerleri bar top Shymkent qalasynda arystyq azamattarǵa arnalyp ashylǵan 10-ǵa jýyq evakýatsiialyq beketterge arnaiy baryp, turǵyndarǵa ýniversitet ujymynyń qoldaýymen alynǵan kiim-keshek, azyq-túlik jáne kúndelikti qajetti turmystyq zattardy tabystady.
Sonymen qatar atalǵan oryndarda Qyzdar ýniversitetiniń Pedagogika jáne psihologiia fakýltetiniń aǵa oqytýshysy Tilla Saqtaǵanova jarylystan zardap shekkenderge psihologiialyq turǵydan keńes berýde.
«Arysta bolǵan oqys oqiǵaǵa bailanysty zardap shekkenderge kómek qolyn sozý maqsatynda elimizde «Arys, biz birgemiz!» aktsiiasy bastalǵan bolatyn. Igilikti shara barysynda ministrlik qyzmetkerleri men otandyq joǵary oqý oryndarynyń ujymy azamattyq tanytyp, múmkindiginshe kómek kórsetýde.
Azamattyq qoǵamnyń belsendiligin, janashyrlyǵyn aiǵaqtaityn osynaý qaiyrymy mol isten shet qalmaý maqsatynda Qazaq ulttyq qyzdar pedagogikalyq ýniversitetiniń qyzmetkerleri de bir kúndik jalaqysyn apattan zardap shekken aǵaiynǵa aýdarýdy jón dep tapty. Jinalǵan qarajatqa azamattarǵa qajetti degen turmystyq zattar, kiim-keshekter men azyq-túlik alynyp, ol beketterge ornalasqan turǵyndarǵa tolyqtai taratyldy,» – deidi Qyzdar ýniversitetiniń Áleýmettik damý jónindegi prorektory Jańagúl Sultanova.
Sapar aiasynda oqý ornynyń basshylyǵy Arys qalasynda turatyn ýniversitet stýdentterimen de kezdesip, jaǵdailarymen jete tanysty. Olardyń búgingi ahýalyn bildi.
Eske sala ketsek, Arystaǵy jarylystan zardap shekkenderge kómek qolyn sozý maqsatynda elimizde «Arys, biz birgemiz» aktsiiasy ótip jatyr. Aktsiia aiasynda memlekettik mekemeler men kásiporyndar jáne ózge de azamattar úles qosyp, materialdyq jáne qarjylai kómektesýde.
