Memleket basshysy Qasym-Jomart Toqaev Ulttyq quryltaıda qyz alyp qashýdy aqtaýǵa bolmaıtynyn málimdedi, - dep habarlaıdy Dalanews.kz.

"Elimizde qyz alyp qashýdy ulttyq dástúr sanap, el ishinde dáriptegisi keletinder bar. Bul – múldem aqtaýǵa bolmaıtyn zańsyzdyq, qarańǵylyq, tipti, masqara tirlik. Órkenıetti qoǵamda ár azamattyń abyroıy, quqyǵy jáne bostandyǵy baǵa jetpes qundylyq bolýy kerek. Sondyqtan mundaı aqylǵa syımaıtyn áreketterdi qatań synǵa alý jetkiliksiz. Oǵan quqyqtyq baǵa berilip, birjola tosqaýyl qoıylýǵa tıis.

"Dástúrdiń ozyǵy bar, tozyǵy bar". Ata jolyn saqtaımyz desek, ǵasyrlar boıy babalarymyz ustanǵan asyl dinimizdi saqtaıyq. Dástúrli ıslam – halqymyzdyń ulttyq biregeıligin tanytatyn basty qundylyqtyń biri. Biz ony berik ustaný arqyly ekstremızmge jáne kertartpalyqqa qarsy tura alamyz. Jurtymyzdyń ózine ǵana tán ereksheligi bar. Biz osy mádenı kodymyzdy saqtap, babalar jolymen júrýimiz kerek", - dedi Prezıdent.