Qaharly qystyń sońǵy aiynyń alǵashqy kúni, Ál – Farabi atyndaǵy QazUÝ – niń Qytaitaný kafedrasy ujymynyń uiymdastyrýymen « Qytaitaný aptalyǵy»-nyń ashylý saltanaty ótti.Aitýly úlken is – sharanyń ashylýyna Qytaidyń Almaty qalasyndaǵy Bas Konsýly, keshimizdiń qurmetti qonaǵy Chjang Vei myrza, Konfýtsii institýtynyń oqytýshylary, Almaty qalasyndaǵy Qytai tilder institýtynyń dekany, QazUÝ – niń Qytaitaný kafedrasynyń oqytýshylary men stýdentteri qatysty.Bas Konsýl Chjang Vei myrza óz sózinde bylai dedi : « Álemdegi eń kúrdeli, ári, eń kóp halyq sóileitin til – qytai tili.Qazirgi ýaqytta qytai tilinde sóileitin adamdardyń sany 1 mlrd 600 mln-nan asady. QR men QHR arasynda saýda – ekonomikalyq, investitsiialyq, qarjy – nesielik, bilim jáne ǵylym, mádeniet salasyndaǵy kelisimderdiń artýy – eki el qarym – qatynasynyń odan ári nyǵaiýynyń kórinisi ekendigin aitty.Al, osy salalar boiynsha bilikti mamandar daiarlap shyǵý úshin, ýniversitetimidegi stýdentterge Qytaiǵa baryp bilim alýyna, qytai jáne qazaq stýdentteriniń tájiribe almasyp oqýyna qolynan kelgenshe kómegin beretinin aityp bizdi bir qýantty.Bolashaq qytaitanýshy retinde, biz tek qana qytai tilin jetik meńgerip qana qoimai, qytai eliniń tarihyn, mádenietin, salt – dástúrin, saiasatyn bilýimiz qajet. Al, osyndai is – sharalar Qytaidy jańa bir qyrynan tanyp bilýge múmkindik beredi.Aptalyqtyń ashylýynda bizdiń stýdentter jan – jaqty ekendigin taǵy da bir dáleldedi. Stýdentterimizdiń biri qytai tilinde án shyrqasa, biri qazaqtyń qara dombyrasymen kúńbirlete kúiin oinap, syily qonaqtarymyzdy bir riza qyldy.
Dospaev Álen, Shyǵystaný fakýltetiniń 4 kýrs stýdenti
Nurtálip Sharypqazy, Shyǵystaný fakýltetiniń oqytýshysy
