- Keshe túnde Shyǵys Qazaqstan oblysynyń Zaisan aýdanynda, Saryterek jáne Ainabulaq aýyldarynda tolqýlar men tártipsizdikter oryn aldy. Jergilikti turǵyndar jalǵan aqparat estigen. Bul múmkin emes, óitkeni shekara jabyq. Olar Qytai turǵyndaryn kirgizbeýdi talap etip kóshege shyqty. Qazirgi ýaqytta ShQO, Almaty oblysyndaǵy shekaradan ótetin adamdar sany óte az.
Negizinen ekijaqty transshekaralyq saýda-sattyqpen ainalysatyn bizdiń azamattarymyz, júk kólikteriniń júrgizýshileri.
Al Qytaiǵa ótip ketken saýdagerlerimiz áli sonda. Qazir olar oralǵysy keledi. Olar qaityp kelgen jaǵdaida biz olardyń qaýipsizdigin qamtamasyz etýimiz qajet, - dedi ministr.
Birtanov Qazaqstan men Qytaidyń shekaralas aýdandarynda, onyń ishinde memlekettik investitsiialyq jobalarda jumys isteitin azamattarǵa ujymdyq qaýipsizdikke qatysty naqty tapsyrmalar berilgenin aitty.
- Baqylaý statsionarlarynyń jeke ornalasqan ǵimarattary daiyn bolady. Zaisan aýdanynda Shyǵys Qazaqstan oblysynyń ákimi bar, halyqpen kezdesý ótip jatyr, tańerteń eki jinalys ótti. Bizdiń azamattar men basqa memleketterdiń azamattary shekaradan ótken jaǵdaiǵa arnalǵan 20 oryndyq jeke ǵimarat bólindi, - dedi ol.
Birtanov sondai-aq, krýizdik kemedegi 4 adamnyń ekeýinen koronavirýs anyqtalmaǵanyn, qalǵan ekeýi týraly aqparat kútip otyrǵanyn jetkizdi.
