Qazaqstan premer-ministriniń birinshi orynbasary Roman Skliar Qytaidyń Eýropamen aradaǵy saýda-sattyqqa qatysty Transkaspii halyqaralyq kólik baǵytynyń (TIR) áleýetine toqtalyp, Qazirgi geosaiasi jaǵdai konteksinde jańa kólik-logistikalyq baǵyttardy qurý. jetkizý men óndirýdiń senimdi ózara tizbegin ártaraptandyrý jáne qamtamasyz etý mańyzdy strategiialyq mánge ie ekenin jetkizdi.
«Búgingi tańda Qytai men Ortalyq Aziiada óndirilgen taýarlardyń 80 paiyzdan astamy Qazaqstan arqyly tasymaldanady. Osy jaǵdaidy eskere otyryp, Transkaspii halyqaralyq kólik joly kontinenttik saýda kartasynda barǵan saiyn mańyzdy ról atqarady».
Ol baǵyt boiynsha júk kóleminiń oń dinamikasyn atap ótti. «Ótken jyly taýardy jóneltý eki esege artyp, shamamen 1,7 million tonnany qurady; osy jyldyń bes aiynda taýar aǵyny 64%-ǵa ósti. Biyl biz jol boiyndaǵy júk aǵynyn orta merzimdi perspektivada 10 million tonnaǵa jetkizýge múddelimiz. Óz kezeginde Qazaqstan nemis jáne eýropalyq seriktesterdiń ósip kele jatqan qajettilikterin qanaǵattandyrý úshin port nysandaryn usynýǵa daiyn», – dedi Roman Skliar.
Odan ári ol halyqaralyq logistikalyq terminaldardy qurý jáne tsifrlyq ziiatkerlik kólik júielerin damytý jumystary jalǵasyp jatqanyn aitty. Bul turǵyda nemis porttary Germaniia baǵytynda mýltimodaldy trafikti damytýda sheshýshi ról atqara alady.
Bul rette Qazaqstan men Túrkiia Transkaspii halyqaralyq kólik joly arqyly júk tasymaldaýdy arttyrýǵa umtylýda, – dep málimdedi Qazaqstannyń Syrtqy ister ministri Murat Nurtileý.
«Biz biletindei, álemdegi geosaiasi jáne geoekonomikalyq jaǵdai kúrdeli.
Osy oraida biz kólik-tranzit salasyndaǵy múmkindikterdi odan ári keńeitýge nazar aýdardyq. Atap aitqanda, biz Transkaspii halyqaralyq kólik marshrýtynyń ótkizý múmkindigin tolyq paidalaný arqyly júk tasymaldaýdy ulǵaitý qajet dep kelistik», – dedi Syrtqy ister ministri.
Sonymen qatar, ministr tranzittik baǵyttardy ártaraptandyrý úshin túrik tarapynyń Qazaqstan-Túrkimenstan-Iran-Túrkiia temir jolyn paidalaný múmkindigine toqtaldy.
Budan buryn habarlanǵandai, Astanada túrik áriptesi Hakan Fidanmen kezdesýiniń nátijesinde «Túrkiia – Qazaqstannyń tórtinshi iri saýda seriktesi», – dep habarlady eldiń Syrtqy ister ministri Murat Nurtileý. Ótken jyly eki el arasyndaǵy taýar ainalymy 6,3 milliard dollarǵa, al 2023 jyldyń alǵashqy jeti aiynda 3,6 milliard dollarǵa jetti.
