28 qazanda Qazaqstan halqy Assambleiasynyń «Beibitshilik pen kelisim jolymen» halyq ekspeditsiiasy» jobasy boiynsha Astana-Qonaev-Túrkistan baǵytynda press-týr bastalǵan bolatyn, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Joba aiasynda Túrkistan óńirine issaparmen kelgen ekspeditsiia delegattarymen birqatar is-sharalar ótti.
Joba maqsaty – Qazaqstan etnostary ókilderiniń dostyǵy men tatýlyǵyn, kelisimin dáripteý, QHA 30 jyldyǵyna orailastyrylǵan taqyryptyq imidjdik beinerolikter túsirý. Blogerler men ekspeditsiianyń basqa da qatysýshylaryn etnomádeni muranyń bailyǵymen, túrli etnostardyń salt-dástúrlerimen tanystyrý. Sonymen qatar Qazaqstan halqy Assambleiasynyń etnikalyq tegine qaramastan Qazaqstannyń barlyq azamattarynyń memlekettik tildi úirenýine baǵyttalǵan jobalaryn aqparattyq súiemeldeidi.
Birinshi baǵyt boiynsha ekspeditsiia músheleriniń quramynda BAQ-tyń jetekshi ókilderi – belgili telejúrgizýshiler Nadejda Palinka, Adeliia Týhbatova, blogerler – Alina Kan, Rasýl Serikov, Ádilet Doqtyrbek, qazaq tiliniń janashyrlary Anastasiia Nuǵumanova, Anelia Pimicheva, sondai-aq etnomádeni birlestikterdiń ókilderi Rýstam Qairyev, Adam Boisaev bar.
Press-týr aiasynda ekspeditsiia músheleri Túrkistan qalasynda jańadan boi kótergen «Dostyq úiimen» tanysty. Sondai-aq «Qoǵamdyq kelisim» KMM-si ujymymen jáne oblystyq etnomádeni birlestikter jetekshilerimen kezdesti. Kezdesýde óńirde etnosaralyq kelisimdi nyǵaitýdyń ózekti máseleleri talqylandy. Budan soń ekspeditsiia músheleri etnos ókilderi arasynda uiymdastyrylǵan «Kim bilgir?» intellektýaldy oiynyn kórip, «Tatýlyq – tabylmas baqyt» pikirtalas alańynda suhbat qurdy.
Press-týrǵa qatysýshylar búgin «Dostyq úiinde» túrik, uiǵyr, sheshen-ingýsh, tatar-bashqurt etnostarynyń tili, mádenieti jáne salt-dástúri is-sharasyna qatysty. Sondai-aq joba aiasynda rýhani shaharda ulttyq kiim úlgileriniń tanystyrylymy men ulttyq qolóner jáne taǵamdar boiynsha master-klass ótedi.
Aita ketsek, press-týrǵa qatysýshylar Astana-Pavlodar-Óskemen baǵyty boiynsha saparyn jalǵastyrady.
