Olar ushaqtan túsken boida qala irgesindegi infektsiialyq klinikaǵa jetkizilgen. Munda kúni-túni dárigerlerdiń baqylaýynda bolǵandardan qaýipti koronavirýs belgileri baiqalmapty.
Sondyqtan barlyǵy da endi turǵylyqty meken-jaiynda baqylaýda bolady. Qysqa merzimge karantinge jatqyzylǵandardyń kópshiligi ózge qala turǵyndary.
Sondyqtan olardy arnaiy avtobýstarmen temirjol vokzaly, áýejai men avtovokzaldarǵa deiin jetkizip saldy. Sómkesin súirep, júgin arqalaǵan jastardyń kópshiligi Qytaida oqyp júrgen stýdentter.
Olar juqpaly indet aýyzdyqtalǵansha elde bolmaq. Óitkeni infektsiia jailaǵan kórshi eldiń barlyq qalasynda «tirshilik toqtap qalǵandai» deidi aman-esen elge kelgender.
Máselen, stýdentterdiń barlyǵyn jataqhanaǵa qamap tastaǵan. Kóshege 2-3 kúnde bir-aq ret shyǵýǵa ruqsat berilipti.
– Men óz ýniversitetimde eń sońǵy qazaq stýdenti bolǵam. Bizde 300 qazaq oqidy. 300 qazaqtan eń sońǵysy bolyp men oraldym. Óte qorqynyshty. Bizdiń jataq bólmelerimizdi jaýyp tastady. Azyq-túlik pen kerek zattarymyzdy apailar arqyly alyp otyrdyq. Barlyǵy úrei qushaǵynda. Biraq osy ýaqytqa deiin qazaq stýdenti nemese qazaq azamaty aýyrdy degendi estigen joqpyn, – deidi qazaq stýdenti Tańsholpan Shuǵataeva.
