Jandarbek Bekshinniń aitýynsha, qazaqstandyq 98 stýdentpen tikelei bailanys ornaǵan. Ol Qytai biligi joǵary oqý oryndarynda oqityn barlyq sheteldik stýdentterdi baqylaýǵa alýdy tapsyrǵanyn sóz etti.
– Búginde Úkimet stýdentterimizdi evakýatsiialaý máselesi boiynsha qarqyndy jumys júrgizýde. Jaqyn arada sheshim qabyldanady, sol kezde qosymsha habarlaimyz, – deidi Jandarbek Bekshin.
Sonymen qatar, ol Densaýlyq saqtaý ministrligi kún saiyn Qytaidan keletin azamattarymyzdy qabyldaý boiynsha jumys júrgizip jatqanyn aitty.
– Ýhan qalasynda qazaqstandyq 98 stýdent bar. Qazir algoritm quryp jatyrmyz. Ol boiynsha azamattar tizimi meditsinalyq uiymdarǵa jiberiledi. Olar 14 kún boiy meditsinalyq baqylaý júrgizedi. Odan keiin meditsinalyq uiymdardaǵy synamalarǵa diagnostika jasaý úshin zerthanaǵa jiberemiz. Onyń nátijesin DDSU-ǵa joldaimyz jáne Resei Federatsiiasyndaǵy mamandarmen birlese jumys isteimiz, – deidi ol.
