جانداربەك بەكشيننىڭ ايتۋىنشا، قازاقستاندىق 98 ستۋدەنتپەن تىكەلەي بايلانىس ورناعان. ول جۇڭگو بيلىگى جوعارى وقۋ ورىندارىندا وقيتىن بارلىق شەتەلدىك ستۋدەنتتەردى باقىلاۋعا الۋدى تاپسىرعانىن ءسوز ەتتى.
– بۇگىندە ۇكىمەت ستۋدەنتتەرىمىزدى ەۆاكۋاسيالاۋ ماسەلەسى بويىنشا قارقىندى جۇمىس جۇرگىزۋدە. جاقىن ارادا شەشىم قابىلدانادى، سول كەزدە قوسىمشا حابارلايمىز، – دەيدى جانداربەك بەكشين.
سونىمەن قاتار، ول دەنساۋلىق ساقتاۋ مينيسترلىگى كۇن سايىن قىتايدان كەلەتىن ازاماتتارىمىزدى قابىلداۋ بويىنشا جۇمىس جۇرگىزىپ جاتقانىن ايتتى.
– ۋحان قالاسىندا قازاقستاندىق 98 ستۋدەنت بار. ءقازىر الگوريتم قۇرىپ جاتىرمىز. ول بويىنشا ازاماتتار ءتىزىمى مەديسينالىق ۇيىمدارعا جىبەرىلەدى. ولار 14 كۇن بويى مەديسينالىق باقىلاۋ جۇرگىزەدى. ودان كەيىن مەديسينالىق ۇيىمدارداعى سىنامالارعا دياگنوستيكا جاساۋ ءۇشىن زەرتحاناعا جىبەرەمىز. ونىڭ ناتيجەسىن ددسۇ-عا جولدايمىز جانە رەسەي فەدەراسياسىنداعى ماماندارمەن بىرلەسە جۇمىس ىستەيمىز، – دەيدى ول.
