Qytai Qazaqstanda úshinshi atom elektr stantsiiasyn salady. Bul týraly Úkimettegi brifing barysynda premer-ministrdiń birinshi orynbasary Roman Skliar málimdedi, dep habarlaidy Dalanews.kz.
"Úshinshi atom elektr stantsiiasyn da Qytai salady. Qazir Atom energetikasy agenttigi men "Elektr atom stantsiialary" JShS nysannyń ornalasatyn ornyn pysyqtap jatyr. Stantsiia janynda turaqty sý kózi bolýy mindetti", – dedi Skliar.
Onyń aitýynsha, biyl jaýapty memlekettik organdar eki jańa AES-tiń naqty qaida salynatynyn jariialaidy. Aita keteiik, alǵashqy stantsiiany "Rosatom" Almaty oblysy Jambyl aýdanyndaǵy Úlken aýylynda salýdy josparlap otyr.
Ekinshi AES-tiń qurylysyn qytailyq China National Nuclear Corporation basqaratyn konsortsiým júzege asyrady. Sarapshylardyń málimetinshe, bul stantsiianyń yqtimal orny retinde Shyǵys Qazaqstan oblysyndaǵy Kýrchatov qalasy qarastyrylyp jatyr.
