Qytai Halyq Respýblikasyna resmi sapary aiasynda Memleket basshysy Qasym-Jomart Toqaev QHR mádeniet jáne týrizm ministri Sýn Elimen birge Mádeniet ortalyǵyn aralady,- dep habarlaidy Dalanews.kz
Munda Prezidentke kitaphana, qazaq tili, mýzyka jáne shyǵarmashylyq kabinetteri tanystyryldy. Kórme zalynda Qazaqstannyń ejelgi saq dáýirinen bastap XX ǵasyrdyń basyna deiingi tarihyn qamtityn eksponattar men artefaktiler qoiylǵan. Ekspozitsiia bes bólimnen turady: arheologiia, zergerlik buiymdar, qarý-jaraq óneri, ulttyq aspaptar jáne etnografiia.
Ortalyqtyń kitaphana qorynda qazaq, qytai, aǵylshyn jáne orys tilderindegi myńǵa jýyq kitap jinaqtalǵan.
Sapar barysynda Qasym-Jomart Toqaev qazaq tilin úirenip júrgen balalarmen sóilesti.
Osydan keiin qytai oqýshylary dombyramen qazaq pen qytaidyń belgili áýenderinen popýrri oryndap, qonaqtarǵa erekshe áser qaldyrdy. Sondai-aq mártebeli meimandar Beijiń oqýshylaryna arnalǵan kiiz basýdan sheberlik sabaǵyn tamashalady.
