Ol halyqty memlekettik mekemelerge shabýyl jasaýǵa shaqyrýǵa, zańsyz bıznes júrgizýge, zańsyz jer basyp alýǵa jáne arazdyqty qozdyrý baptary boıynsha aıyptalǵan.
67 jastaǵy Sýn – 9 myń adam jumys isteıtin aýyl sharýashylyǵy kásipornynyń basshysy.
Ol 2019 jyly 100 mıllıondaı shoshqa ólimine sebep bolǵan shoshqa tumaýynyń masshtabyn jasyrǵany úshin qytaı úkimetin ashyq synaǵan.
Osydan keıin memleket onyń jer ýchaskesin tartyp ala bastaǵan. Reuters habarlaǵandaı, onyń qyzmetkerleri sovhoz ǵımarattarynyń súrilýine qarsy shyǵyp, polısıamen qaqtyǵysta jaraqat alǵan.
Qytaı quqyq qorǵaýshylary Sýn adam quqyqtaryn qoldaǵany úshin jazaǵa tartylǵanyn aıtady.
"Ábden jemqorlanǵan sheneýnikter, bıliktegi quryǵy uzyn tulǵalarǵa sot joq. Olar zańǵa baǵynbaıdy. Qarapaıym turǵyndar berekesizdikten qajydy. Halyq elde tártip ornaǵanyn, joǵarydaǵy tulǵalardyń zańǵa baǵynǵanyn qalaıdy. Jyl ótken saıyn qytaılardyń zańdyq saýaty artyp keledi. Burynda qandaı da bir másele týyndasa olar tamyr-tanysyna júginetin edi, qazir saýatty zańger jaldaýǵa tyrysady. Bul da bolsa eldiń oıanǵanynyń belgisi", – degen bolatyn Sýn Davý.
Sýn qytaı ýnıversıtetterinde leksıa oqyp, qaıyrymdylyq isterimen aınalysyp kelgen. Aýrýhana men mektepter salýdy qarjylandyrǵan.
