Jedel járdem júrgizýshisin urǵany úshin ustalǵan Nurbolat Dakebaev Qaraǵandydaǵy politsiia bólimine jetkizildi, - dep habarlaidy Dalanews.kz.
Qazir ol ýaqytsha ustaý izoliatoryna qamaldy.
"Er adam Qarqaraly aýdanynyń qystaqtarynyń birinde, oblys ortalyǵynan 200 shaqyrym jerde ustaldy", - dep jazylǵan habarlamada.
Qaraǵandy oblysynyń PD bastyǵynyń orynbasary Ábil Ábildin qylmystyq isti tergeý qatań baqylaýda ekenin málimdedi.
Aita keteiik, buǵan deiin onyń ustalǵany belgili boldy. Sonymen qatar, oǵan taǵylǵan aiyp boiynsha eń joǵary jaza úsh jylǵa deiin bas bostandyǵynan aiyrý ekeni aityldy.
