Shyǵys Qazaqstan oblysynda demalys kúnderi osylai balyq aýlaityndardyń qatary arta túsetini belgili. Osy rette Dalanews.kz tilshisine ShQO TJD bastyǵynyń orynbasary Arman Toqanov balyq aýlaýǵa erte bastan shyǵý adam ómirine qanshalyqty qaýipti ekenin áńgimelep berdi.
– Qysta biraz adamdar ózen-kóldiń betine qatqan muzdy oiyp, balyq aýlaýǵa shyǵady. Jerge qar túsip, sýdyń betine muz qatqan sátte birden balyq aýlaýǵa shyǵý óte qaýipti. Alǵashqy kezeńde sýdyń betine qatqan muz juqa bolǵandyqtan balyqshynyń salmaǵyna shydamai jarlyp, adamdar sýǵa ketip qalýy múmkin.
Sondyqtan qysqy maýsymda balyq aýlaýǵa asyqpaǵan jón. Demalysyn tabiǵat ortasynda ótkizýdi jón sanaityn demalýshylar birinshi kezekte aýa-raiyna basa mán berýi kerek.
Aitalyq, keibir jyldary qys jyly bolyp, sý betine qatqan muzdyń qalyńdyǵy juqa bolýy múmkin. Ádette keibir azamattar qys túskenin sebep qylyp sý betinde balyq aýlaýǵa attanyp, sońynda qiyn jaǵdaiǵa tap bolyp jatady. Sondyqtan muz ústinde balyq aýlaǵandy jón sanaityn azamattar aýa-raiyn baqylap otyrýy mańyzdy, – deidi Arman Toqanov myrza.
Iá, qaýip degen taban astynda paida bolyp jatady. Qandai jaǵdai bolsa da muz ústinde balyq aýlaý qaýipti demalysy.
Bilikti maman muz ústinde balyq aýlaýdyń basqa da ereje-tártipteri bar ekenin alǵa tartýda. Ózen-kóldiń betinde muz qalyń qatqannan keiin qaýiptiń bári bir sátte seiilip, izim-qaiym joǵalmaitynyn demalýshylar túsinýi kerek.
Jyl saiyn muz ústinde balyq aýlaýdy ádetke ainaldyrǵan tájiribeli adamdar bul ermektiń qyr-syryn jetik biletini anyq. Al balyq alaýǵa jańadan shyqqan azamattar muz ústinde balyq aýlaýǵa qatysty saqtyq sharalaryn bilýi shart
– Azamattar muz ústinde balyq aýlaý kezinde qaýipsizdik sharalaryn qatań saqtaýy kerek. Ádette tájiribesi joq balyqshylar qaýipti jerlerde balyq aýlap, qiyn jaǵdailarǵa tap bolyp jatady. Balyq aýlaýǵa barǵanda keibir azamattar alkogoldi ishimdikterdi tutynyp, sońynda sýǵa ketip jatady. Sondyqtan demalysyn tabiǵat ortasynda ótkizýshilerge alkogoldi ishimdikti tutynbaýǵa keńes beremiz. Budan basqa balyq aýlaǵa azamattar jalǵyz-dara shyqpaýy tiis. Múmkindiginshe balyq aýlaýda tájiribesi bar, qaiyqty durys basqara alatyn adamdarmen birge shyqqany lázim. Sonymen qatar demalýshylarǵa túnde balyq aýlaýǵa shyqpaǵany jón, – deidi Arman Toqanov.
ShQO TJD bastyǵynyń orynbasary Arman Toqanov sýdaǵy qaiǵyly jaǵdailar qarapaiym qaýipsizdik sharalaryna nemquraily qarap, saqtamaýynan týyndaitynyn alǵa tartty. TJD mamany 2023 jyldyń basynan beri Shyǵys Qazaqstan oblysynda 2 jaǵdai oryn alǵanyn jetkizdi.
Óńirdegi azamattardyń qaýipsizdikti qamtamasyz etý úshin ShQO Tótenshe jaǵdai departamenti 50-den astam profilaktikalyq reidter júrgizip, halyqqa qaýipsizdik sharalaryn jan-janqyt nasihattaǵan.
Osylaisha shara aiasynda 400-ge jýyq azamatqa sý aidyndarynda júrip-turý erejelerin túsindirgen. Osy rette tótenshe jaǵdai qyzmetiniń mamandary balyq aýlaý qural-jabdyqtaryn satatyn dúkender de qamytylǵanyn aita ketýimiz.
Mamandar balyq aýlaý kezinde qutqarý keýdeshe kiip, qaiyqqa shamadan tys júkteme artpaýdy eskertedi. Sonymen qatar qutqarýshylary júzýdi bilmeitin adamdarǵa qaiyqta otyryp, balyq aýlaýǵa keńes bermeidi.
Jarbol KENTULY
