Qysqa merzimdik kýrstar úshin oqytý ortalyqtary belgilendi
Oblystyq jumyspen qamtýdy úilestirý jáne áleýmettik baǵdarlamalar basqarmasynyń málimetine súiensek, qazirgi kezde Kásipkerler palatasymen birlesip, jumyssyz azamattarǵa qysqa merzimdi kýrstardy kásiporyndar janyndaǵy oqý ortalyqtarynyń bazasyndauiymdastyrý júiesi engizilýde. Bul maqsatta 5 oqý ortalyǵy iriktelip alyndy. Atap aitqanda, Taldyqorǵan qalasynda «TATEK» AQ, «Qainar» JShS, «Baiturǵanov» JK, Qapshaǵai qalasynda «KNAÝF Gips Qapshaǵai» JShS, Talǵar aýdanynda «Baiserke Agro» JShS. Atalmysh óndiristik bazalarda kýrs tyńdaýshylary elektromonter, elektroslesar, akkýmýliatorshy, iri qarany qoldan uryqtandyrý tehnigi, neil stilist, vizajist, shashtaraz kásipteri boiynsha tájiribelerin shyńdaidy.
Biylǵy jyly osy oqý ortalyqtarynyń bazasynda 200 adamǵa oqytý kýrsy uiymdastyrylmaq. Búgingi kúni jergilikti jerlerdegi jumyspen qamtý ortalyqtary tarapynan atalmysh mamandyqtarǵa oqytýǵa degen jumys berýshilerdiń suranys deńgeii anyqtalýda.
