AQSh prezidenti Djo Baidenniń ákimshiligi Resei anneksiialap alǵan Qyrymǵa soqqy berý boiynsha Ýkrainaǵa áskeri kómek berýdi qarap jatyr.
Bul jóninde The New York Times derekkózine silteme jasap habarlady.
Basylym Aq úi Resei Ýkrainaǵa basyp kirgeli beri Kievke túbekti qaitarý boiynsha áskeri kómek kórsetýge úzildi-kesildi qarsy bolyp kelgenin jazady. Sebebi jaǵdaidyń ýshyǵyp ketýinen qaýiptengen.
Endi basylym derekkózinshe, Baiden ákimshiligi ýkraindyq sheneýniktermen kelissózden keiin, jaǵdai ýshyǵyp ketse de, Kievke Qyrymǵa soqqy berý úshin qosymsha kómek berilýi kerek degen sheshimge kelgen.
Amerikalyq sheneýnikter men sarapshylar mundai jaǵdaida, Resei iadrolyq qarýmen jaýap berýi múmkin degen qaýpin aityp jatyr.
Maqalada Ýkrainaǵa alys qashyqtyqtan Qyrymǵa soqqy beretin zymyran berý jóninde áli másele kóterilmegenin, tek HIMARS zymyran qondyrǵysy men Bradley bronekóligi arqyly Qyrymnyń basty nysandaryna soqqy berý jaǵy qaralǵan.
The New York Times gazetiniń aqparatyna sáikes, bul másele jaqynda Aq úide kóterilgen.
Kongresstiń Ókilder palatasynyń syrtqy ister jáne qarýly kúshter boiynsha komitetiniń músheleri Maikl Makkol men Maik Rodjers birer kún buryn birlesken málimdeme jasap, Baiden ákimshiligin Ýkrainaǵa tez arada "mańyzdy degen qarý kúshterin" berýge shaqyrǵan.
"
8 qazanda Qyrym kópirinde jarylys boldy. Kópirden ótip bara jatqan birneshe kólik zardap shekken. Resei bul oqiǵaǵa Ýkrainany aiyptady. Kiev resmi bul jarylysqa qatysy joq ekenin jetkizdi.
24 aqpanda Resei Ýkrainaǵa basyp kirgeli beri, Kiev Qyrymdy qaitarý úshin áskeri operatsiia júrgizý josparynda joq ekenin málimdep kelgen. Biraq qazir Kievtiń ustanymy ózgerdi. Qazir Ýkraina aýmaǵyn tolyq qaitaryp alýdy kózdeidi.
Qazir Resei Qyrym túbeginiń soltústigine qorǵanys dýaldaryn turǵyzyp jatyr degen aqparattar paida boldy. Máskeý túbekke soqqy bergizbeý úshin, Resei qolyndaǵy barlyq quraldy paidalanady dep málimdedi.
AITPAQShY...
AQSh qana emes, japondar da Reseidi alqymnan alǵaly otyr. "Kreml japondarǵa tiesili aýmaqty keri qaitarsyn", – deidi Tokio. Tolyǵyraq myna jerde: t.me/dalainside
