Ystyqkóldiń soltústik jaǵalaýynda 17 úi sý astynda qaldy. Bul týraly eldiń TJM baspasóz qyzmeti málimdedi, dep habarlaidy Dalanews.kz.
Qyrǵyzstan TJM málimetinshe, Cholpon-atada tórt úi, Baktý-Dolonotý – 9 úi, Býlan-Sogottý – 1 jáne Bosteride 3 úi sýǵa batty. Sonymen qatar, saiajai kentine kópir qiraǵan.
Oqiǵa ornynda qutqarý jumystary júrip jatyr.
Eske salaiyq, 28 maýsymda Qyrǵyzstanda nóser jaýyn-shashyn jaýyp, Osh oblysynyń Nookat aýdanynda joiqyn sel tasqyny ótip, onyń saldarynan turǵyndar men týrister zardap shekti.
Saldarynan, Nookat aýdanynda 9 adam qaza tapty. Onyń qatarynda Qazaqstannan qyrǵyz eline týystaryna barǵan 4 bala da bar.
Aita keteiik, osyǵan bailanysty qazaqstandyq "Biz Birgemiz Qazaqstan" qoǵamdyq qory Qyrǵyzstandaǵy selden zardap shekkenderge qoldaý kórsetý úshin 40 tonna gýmanitarlyq kómek jibergen edi.
Qyrǵyzstan tótenshe jaǵdailar ministrligi málim etkendei, 19 shilde kúni tańerteń júk kólikteri "Aq-Tilek" qazaq-qyrǵyz shekara beketinen ótip, Osh oblysyna jolǵa shyqqan.
Gýmanitarlyq kómek tielgen kólikte azyq-túlik ónimderi – un, qant jáne basqa da ónimder, eń qajetti taýarlar, sondai-aq gigienalyq zattar bar.
