Qyrǵyzstannyń Memlekettik ulttyq qaýipsizdik komıteti 2022 jyldan beri izdeýde júrgen Qazaqstannan uıymdasqan qylmystyq tobynyń múshesin ustady, - dep habarlaıdy Dalanews.kz AKIpress-ke siltep.
Basylym málimetinshe, Qyrǵyzstannyń Memlekettik ulttyq qaýipsizdik komıtetine el aýmaǵynda sheteldik azamat jasyrynyp júrgeni, onyń qylmystyq josparlaryna asa aýyr qylmystar men qaraqshylyq shabýyldar kiretinin aıtady.
«Jedel-tergeý operasıalarynyń nátıjesinde birneshe ret sottalǵan 1990 jyly týǵan Qazaqstan azamaty S.A.A ustaldy. Ol 2022 jyldyń qarashasynan beri halyqaralyq izdeýde júrgen», - delingen materıalda.
Ustalǵan kúdikti jazadan sytylyp ketý úshin 2023 jyldyń kúzinde baqylaý-ótkizý pýnktiniń syrtynda memlekettik shekarany zańsyz kesip ótip, Qyrǵyzstan aýmaǵynda jasyrynǵan.
Qazirgi ýaqytta kúdikti qamaýǵa alyndy, tergeý júrip jatyr.
