Qyrǵyzstanda qaza tapqan balalardyń deneleri Óskemenge arnaiy bortpen jetkizildi, - dep habarlaidy Dalanews.kz.
Osh oblysynyń Nookat aýdanyndaǵy aýyl turǵyndar men týrister arasynda qaza tapqandar ishinde Shyǵys Qazaqstannyń balalary da bar. ShQO ákimdigi málimetinshe, qaiǵyly oqiǵa bolǵan kúni eki ul men eki qyz analarymen týystaryna qonaqqa barǵan.
"Búgin qaza tapqandardyń deneleri Óskemenge arnaiy bortpen jetkizildi. Shyǵys Qazaqstan oblysynyń ákimdiginde balalardyń týystaryna kómek kórsetý úshin jedel shtab qurylyp, oǵan óńirdiń barlyq qyzmetiniń mamandary jumyldyryldy", - dep jazylǵan habarlamada.
Óńir basshysy Ermek Kósherbaev qaza tapqandardyń týystarymen kezdesti. Osy qiyn kúnderde jergilikti atqarýshy organdar men "Halifa Altai" meshitiniń qyzmetkerleri jerleý rásimin uiymdastyp, ótkizýdi óz moiyndaryna aldy.
Ákimdik qyzmetkerleri men Shyǵys Qazaqstan oblysynyń turǵyndary qaiǵyly oqiǵaǵa bailanysty týystaryna kóńil aitty.
