قىرعىزستاندا قازا تاپقان بالالاردىڭ دەنەلەرى وسكەمەنگە ارنايى بورتپەن جەتكىزىلدى، - دەپ حابارلايدى Dalanews.kz.
وش وبلىسىنىڭ نووكات اۋدانىنداعى اۋىل تۇرعىندار مەن تۋريستەر اراسىندا قازا تاپقاندار ىشىندە شىعىس قازاقستاننىڭ بالالارى دا بار. شقو اكىمدىگى مالىمەتىنشە، قايعىلى وقيعا بولعان كۇنى ەكى ۇل مەن ەكى قىز انالارىمەن تۋىستارىنا قوناققا بارعان.
"بۇگىن قازا تاپقانداردىڭ دەنەلەرى وسكەمەنگە ارنايى بورتپەن جەتكىزىلدى. شىعىس قازاقستان وبلىسىنىڭ اكىمدىگىندە بالالاردىڭ تۋىستارىنا كومەك كورسەتۋ ءۇشىن جەدەل شتاب قۇرىلىپ، وعان ءوڭىردىڭ بارلىق قىزمەتىنىڭ ماماندارى جۇمىلدىرىلدى"، - دەپ جازىلعان حابارلامادا.
ءوڭىر باسشىسى ەرمەك كوشەربايەۆ قازا تاپقانداردىڭ تۋىستارىمەن كەزدەستى. وسى قيىن كۇندەردە جەرگىلىكتى اتقارۋشى ورگاندار مەن "حاليفا التاي" مەشىتىنىڭ قىزمەتكەرلەرى جەرلەۋ ءراسىمىن ۇيىمداستىپ، وتكىزۋدى ءوز مويىندارىنا الدى.
اكىمدىك قىزمەتكەرلەرى مەن شىعىس قازاقستان وبلىسىنىڭ تۇرعىندارى قايعىلى وقيعاعا بايلانىستى تۋىستارىنا كوڭىل ايتتى.
