Qyrǵyzstan Syrtqy ister ministrligi óz azamattaryna Resei Federatsiiasyna barýdan ýaqytsha bas tartýdy usyndy, dep habarlaidy Dalanews.kz.
Buǵan deiin Tájikstan Syrtqy ister ministrligi de osy maqsatta halqyna eskertý jasaǵan edi.
"Qyrǵyzstan Respýblikasynyń Syrtqy ister ministrligi men sheteldegi mekemeleri Resei Federatsiiasyndaǵy ahýaldy jáne onyń Qyrǵyz Respýblikasy azamattarynyń quqyqtyq jaǵdaiyna áserin baqylaýda.
Sonymen birge ministrlik Resei Federatsiiasyna barýǵa dáleldi sebepteri joq otandastarǵa buryn engizilgen qosymsha qaýipsizdik sharalary men memlekettik shekara arqyly kirýdi baqylaý rejimi kúsheitilgenge deiin onyń aýmaǵyna barýdan ýaqytsha bas tartýdy taǵy da usynady. Al eger barý kerek bolsa, Resei Federatsiiasyna kirýge shekteýlerdiń bar-joǵyn aldyn ala tekserińiz", – delingen QR SIM saitynda.
Orta Aziiadan kelgen migranttar máselesimen ainalysatyn quqyq qorǵaýshy Valentina Chýpik "Agentstvo" reseilik basylymyna bergen suqbatynda Reseidiń Tájikstan, Qyrǵyzstan jáne Ózbekstan azamattaryna kirýden jappai bas tartqany sáýir aiynyń sońynda belgili bolǵanyn aitty.
"Reseige kelgen migranttardy 24 sáýirden bastap ustai bastady. Al 1 mamyrǵa qarai Resei áýejailary men jer ústi ótkizý pýnktterinde osy elderdiń 4500-ge jýyq azamaty kezekte jinalyp qaldy. Buryn ushaqty aiyna bir ret ret qana kirgezbeitin jaǵdailar bolatyn. Al qazir aralyǵy tym jiilep ketti", - deidi ol.
Chýpiktiń aitýynsha, ásirese Reseige oramal kigen áielder men saqaly bar erkekterdi kirgizbei jatyr eken.
Sonymen qatar ol ustalǵandardyń tórtten bir bóligi Tájikstan azamattary, jartysyna jýyǵy Ózbekstannan qonys aýdarýshylar, qalǵandary negizinen Qyrǵyzstan azamattary ekenin atap ótti.
Eske salaiyq, 22 naýryzda keshki ýaqytta Máskeýdegi "Krokýs siti holl" kontsert zalynda terakt bolǵan edi. Qarý asynǵan birneshe adam qarapaiym turǵyndarǵa oq jaýdyra bastady. Saldarynan, sońǵy derekter boiynsha, 143 adam qaza tapty. Osy jaǵdaiǵa bailanysty Resei SIM bir ai buryn "Krokýs Siti Holl" kontsert zalyna jasalǵan shabýyl aiasynda qaýipsizdik sharalarynyń kúsheigenin jetkizdi.
29 sáýirde Reseidiń Tájikstandaǵy Elshisi Resei shekarasynda turyp qalǵan júzdegen Tájikstan azamattarynyń jaǵdaiyna alańdaýshylyq bildirip, eldiń Syrtqy ister ministrliginen nota jibergen bolatyn.
